შვეიცარიის ქალაქ ნიონში გამართული კენჭისყრის შედეგად, ევროპა ლიგის პირველი საკვალიფიკაციო ეტაპის კენჭისყრა გაიმართა.

ევროპა ლიგაზე 3 ქართული გუნდი იასპარეზებს, ქუთაისის ტორპედო, საჩხერის ჩიხურა და ბათუმის დინამო.

ჩიხურა პირველ მატჩს სახლში გამართავს და მისი მეტოქე ავსტრიული ალტახი იქნება.

ბათუმის დინამო გასვლაზე ითამაშებს და პოლონურ იაგელონიას დაუპირისპირდება.

ბათუმელების მსგავსად გასვლაზე ითამაშებენ ქუთაისის ტორპედოს ფეხბურთელებიც, რომლებიც სლოვაკურ ტრენჩინს დაუპირისპირდებიან.

პირველი მატჩები 29 ივნისს გაიმართება, ხოლო განმეორებითი თამაშები - 6 ივლისს.

აქვე შეგახსენებთ, რომ ჩემპიონთა ლიგის მეორე საკვალიფიკაციო ეტაპზე სამტრედია ყარაბაღს დაუპირისპირდება.