Sex Education-ის მე-5 სეზონში ემა მაკის ვეღარ ვიხილავთ. ამის შესახებ მსახიობმა BAFTA Awards-ზე თავად განაცხადა მას შემდეგ, რაც ჯილდო მოიპოვა. "მე-5 სეზონი? მე-4 სეზონს გასულ კვირას მოვრჩი. არ მგონია, რომ მე-5 სეზონში მონაწილეობას მივიღებ. მსახიობებს უკვე დავემშვიდობე", — განაცხადა ემამ.

ემა მაკიმ ადრეც ისაუბრა იმის შესახებ, რომ მე-4 სეზონში მისი პერსონაჟი მოვლენათა განვითარების ცენტრში ნაკლებად იქნებოდა. "ახლა უფრო მეტი პერსონაჟი გვყავს, ვიდრე აქამდე. ჩვენ შუა გადაღებების პროცესში ვართ და მოხარული ვარ, რომ დავბრუნდი. ძალიან მაინტერესებს, რა მოხდება სერიალში შემდეგ, რადგან ეს არც მე ვიცი", — განაცხადა მსახიობმა მე-4 სეზონის გადაღებების დროს.

ფოტო: Netflix

მაკი არ არის ერთადერთი მსახიობი, რომელმაც Sex Education დატოვა. სერიალს მე-4 სეზონის შემდეგ შუტი გატვაც გამოეთიშება, რის შესახებაც მსახიობმა ინსტაგრამზე დაწერა. შეგახსენებთ, რომ შუტი გატვა Doctor Who-ში მთავარ როლზე დაამტკიცეს.

Sex Education-ის მე-4 სეზონის პრემიერის თარიღი ჯერჯერობით უცნობია. როგორც უკვე ვიცით, მე-4 სეზონში ახალ პერსონაჟებს ვიხილავთ, თუმცა რამდენიმე ძველ პერსონაჟს დავემშვიდობებით. ნეტფლიქსის განცხადებით, შოუს ახალ სეზონში დენი ლევი მიიღებს მონაწილეობას, სერიალს კი პატრიცია ალისონი და ტანია რეინოლდსიც დატოვებენ.