ჟერარდ პიკემ ინსტაგრამზე 23 წლის კლარა ჩიასთან ერთად ფოტო პირველად გამოაქვეყნა. შაკირასთან დაშორების შემდეგ ფეხბურთელმა კლარა ჩიასთან ურთიერთობა მალევე დაიწყო, თუმცა სოციალურ ქსელებში ახალ შეყვარებულთან აქამდე არც ერთი საერთო ფოტო არ ჰქონია.

შეგახსენებთ, რომ ცოტა ხნის წინ შაკირამ ახალი სიმღერა გამოუშვა, რომლითაც თავისი ყოფილი პარტნიორი, ფეხბურთელი ჟერარდ პიკე მასხრად აიგდო. სიმღერამ იუთუბის რეკორდი მოხსნა — ვიდეომ პლატფორმაზე ატვირთვიდან 24 საათში 63 მილიონზე მეტი ნახვა დააგროვა. ამით ის იუთუბის ისტორიაში ყველაზე პოპულარული ახალი ლათინოამერიკული სიმღერა გახდა. Spotify-ზე კი გამოსვლიდან 24 საათში შაკირას ახალი სიმღერა 14,4 მილიონმა ადამიანმა მოისმინა.

"22 წლის ასაკის ორი ტიპის ფასი მაქვს, შენ კი ფერარი [რენო] ტვინგოზე გაცვალე, ხოლო როლექსი — Casio-ზე", — ვკითხულობთ შაკირას ახალი სიმღერის ტექსტში. მას შემდეგ, რაც შაკირამ პიკეს შეყვარებული Casio-ს საათს შეადარა, პიკემ ამ ბრენდის საათით თავი საჯაროდ მოიწონა და განაცხადა, რომ საათების მწარმოებელმა კომპანია Casio-მ პარტნიორობა შესთავაზა.

რაც შეეხება პიკესა და კლარა ჩიას ახალ საერთო ფოტოს, ფეხბურთელმა პოსტი აღწერის გარეშე გამოაქვეყნა. სულ რაღაც 9 საათში ფოტოს უკვე 2 მილიონზე მეტი მოწონება აქვს.

შეგახსენებთ, რომ შაკირა და პიკე ერთმანეთს 13 წლის წინ შეხვდნენ, როცა ფეხბურთელი მსოფლიო თასისთვის კოლუმბიელი ვარსკვლავის სიმღერაზე გადაღებულ კლიპში მონაწილეობდა. წყვილს ორი საერთო შვილი — მილანი და საშა — ჰყავთ.

ასევე იხილეთ: