ტეილორ ლოტნერმა, რომელმაც მსოფლიო საზოგადოებას თავი ფილმში Twilight ჯეიკობ ბლექის როლის თამაშით შეაყვარა, და მისმა პარტნიორმა, ტეილორ დოუმმა, ნიშნობიდან ერთი წლის თავზე ოფიციალურად იქორწინეს, როგორც ცნობილი გახდა, კალიფორნიის ქალაქ პასო-რობლესში.

ტეილორ ლოტნერის თქმით, წყვილმა მაშინ გაიცნო ერთმანეთი, როცა მსახიობმა კარიერისგან ხანგრძლივი შესვენების აღება გადაწყვიტა, რათა პირადი ცხოვრებისა და ბედნიერებისთვის დაეთმო მეტი დრო.

"მინდოდა, ცოტა დამესვენა და ცხოვრებისგან სიამოვნება მიმეღო, ჩემს ოჯახთან და მეგობრებთან ერთად გამეტარებინა დრო," — აღნიშნა მსახიობმა. — "ამ გადაწყვეტილების დამსახურებით შევხვდი ჩემს პარტნიორსაც, ასე რომ, ყველაფერი კარგად დასრულდა."

წყვილის გაცნობის ისტორიასთან დაკავშირებით, ისიც გაირკვა, რომ სასიყვარულო შუამავალის როლი თავიდან ტეილორის დამ იკისრა.

"ჩემმა დამ, მაკენამ, გაგვაცნო ერთმანეთი. დამირეკა და მითხრა:'შენი მომავალი ცოლი ვიპოვე. უნდა შეხვდე ამ გოგოს.' დანარჩენი კი უკვე ყველასთვის ცნობილი ამბავია."

ერთი წლის წინ, 2021 წლის 11 ნოემბერს მსახიობმა ტეილორ დომს ხელი სთხოვა და ამ მომენტის სამახსოვროდ ინსტაგრამზეც დაპოსტა საერთო ფოტო, წარწერით — "და, აი, ასე უბრალოდ, ჩემი ყველა ნატვრა ასრულდა."

კლერი კლარკსონის შოუში, რომლის სტუმარიც ახლახან ტეილორ ლოტნერი იყო, მსახიობმა განაცხადა, რომ ტეილორ დოუმი მის გვარზე მართლაც გადავა. ასევე, იმაზეც იხუმრა, რომ მეგობრები მათ გასარჩევად "ბიჭ ტეის" და "გოგო ტეის" ეძახიან.

ტეილორ დოუმი პროფესიით ექთანია და მადლიერებას საჯაროდ გამოხატავს ტეილორ ლოტნერის მიმართ მხარდაჭერისთვის იმ მომენტებში, როცა ის სამედიცინო სკოლაში სწავლობდა.

"მადლობა გამხნევებისთვის იმ მომენტებში, როცა სწავლის მიტოვება მინდოდა. მადლობა იმ სადილებისთვის, რომლებსაც მიმზადებდი, როცა მე ვმეცადინეობდი. მადლობა, რომ ჩემს ცოდნას ამოწმებდი და ცდილობდი, სამედიცინო ტერმინები სწორად წარმოგეთქვა."