ახალი ქვეყნების აღმოჩენა თუ ძველების ხელახლა მონახულება ყოველთვის სასიამოვნო და აღმაფრთოვანებელია, მაგრამ მანამ, სანამ ამ დიდ თავგადასავალში გადავეშვებით ხოლმე, მანამდე, ცოტათი მაინც, ყველანი ვღელავთ, ბევრს ვფიქრობთ ფრენაზე, დოკუმენტებზე, გრძელ რიგებზე და რაღა თქმა უნდა — ლოდინზე. ეს უკანასკნელი, როგორც წესი, ყველზე მოსაბეზრებელია. ამაში, ალბათ, ხშირი მოგზაურები, განსაკუთრებით კი ის ადამიანები დაგვეთანხმებიან, რომლებიც სამსახურებრივი საქმეების გამო ხშირად დაფრინავენ. მათ ხომ კარგად იციან, რამდენად ძვირფასია დრო, რომელსაც ლოდინისას კარგავ.

სწორედ იმისათვის, რომ მგზავრებმა გაფრენამდე დარჩენილი დრო სასიამოვნოდ გაატარონ, დაისვენონ ან თუნდაც, იმუშაონ, თიბისიმ თბილისის საერთაშორისო აეროპორტში, ერთწლიანი ინტენსიური მუშაობის შედეგად, კომფორტული ლაუნჯი შექმნა. ლაუნჯი თიბისი კონცეპტისა და Primeclass-ის თანამშრომლობის ფარგლებში გაიხსნა და იგი თიბისის კონცეპტისა და WM (დაგროვილი კაპიტალის მართვის) მომხმარებლებს ემსახურება.

ლაუნჯში მომხმარებლებს სასიამოვნო გარემო, საკვებისა და სასმლის მრავალფეროვანი არჩევანი, მცირე ბიბლიოთეკა, ჟურნალ-გაზეთები და სწრაფი ინტერნეტი დახვდებათ. ამასთან, მათ წვდომა ექნებათ ფრენების შესახებ ინფორმაციაზე და სხვა შემოთავაზებებზე.

ლაუნჯის გახსნა კიდევ ერთი ნაბიჯით აახლოებს თიბისის საკუთარი მისიის შესასრულებლად — გაუმარტივოს ადამიანებს ცხოვრება. მისი მიზანია პერსონალურ საბანკო მომსახურებაში, ინდივიდუალურად, უფრო მეტი ადამიანისთვის შექმნას დახვეწილი, მაღალი ხარისხის გამოცდილება, რომელიც მათ სურვილებთან, საჭიროებებთან და ცხოვრების წესთან იქნება თანხვედრაში.

ლაუნჯი თიბისის უკვე არსებული ფორმატის, მარჯანიშვილის 7-ში მდებარე თიბისი კონცეპტის მულტიფუნქციური სივრცის ანალოგიურად შეიქმნა. ინტერიერში დასვენებისა და დროის სასიამოვნოდ გატარებისთვის ყველა საჭირო დეტალია გათვალისწინებული, რაც ქმნის დახვეწილ და მყუდრო ესთეტიკას.

თიბისის გენერალური დირექტორი, ვახტანგ ბუცხრიკიძე აღნიშნავს, რომ ლაუნჯის კონცეფციაზე გუნდები ერთი წლის განმავლობაში მუშაობდნენ. ამ პროექტით კი თიბისი თავის მისიას კიდევ უფრო მიუახლოვდა.

თეა ზაქარაძე, TAV Georgia-ს გენერალური მენეჯერი ამბობს, რომ ეს განსაკუთრებული ადგილი იქნება თბილისის საერთაშორისო აეროპორტში.

"მგზავრებმა ჩვენთან თავი კომფორტულად უნდა იგრძნონ — ეს ჩვენი ერთ-ერთი მთავარი ამოცანაა, ამიტომ მივესალმებით Primeclass Lounge-ში ახალი სივრცის გახსნას. ვიმედოვნებთ, რომ ჩვენი სტუმრები ისიამოვნებენ ამ ახალ სივრცეში თავიანთი მოსვლით და გამგზავრებამდე სასიამოვნო ლოდინის გამოცდილება ექნებათ. ამასთან, ვიმედოვნებთ, რომ თიბისისთან ჩვენი პარტნიორობა ამით არ შემოიფარგლება და კიდევ უფრო საინტერესო პროექტებს განვახორციელებთ ერთად".

თბილისის აეროპორტში თიბისი კონცეპტის სივრცით ისარგებლებენ თიბისი კონცეპტის და თიბისი Wealth Management-ის მომხმარებლები, რომლებიც ფლობენ ბარათებს: Visa Infinite, Visa Signature, Visa Platinum, Mastercard World Elite და Mastercard Platinum.