მსოფლიოში ერთ-ერთმა ყველაზე პოპულარულმა სააგენტო Buzzfeed-მა საქართველო აუცილებლად მოსანახულებელი ქვეყნების სიაში შეიყვანა. სტატია სააგენტოს გვერდზე დღეს გამოჩნდა და მასში ის ჩვიდმეტი ქვეყანაა მოცემული, რომელიც მანამდე უნდა მოინახულოთ, სანამ ძალიან პოპულარული გამხდარა.

ავტორმა სტატია TripAdvisor-ის რევიუების მიხედვით მოამზადა, სადაც საქართველო ერთ-ერთ ყველაზე კარგ შეფასებებს იღებს. ის ყურადღებას არამხოლოდ ქვეყანაზე, არამედ ქალაქებზე ამახვილებს. სტატიაში ნათქვამია, რომ ჩამოთვლილი ქალაქები, სავარაუდოდ, მომავალში ერთ-ერთი ყველაზე მოთხოვნადები იქნებიან.

"საქართველოს დედაქალაქში ულამაზესი ძველი ქალაქია, რომლის ქვაფენილიანი ქუჩები და ისტორიული ნაგებობები მოუთმენლად ელიან დამთვალიერებლებს. იქ საკვები განსაკუთრებით გემრიელია. ტურისტების შეფასებით თბილისი ყველაზე ორიგინალური და ნათელი ქალაქია, სადაც კი ოდესმე ყოფილან", ვკითხულობთ სტატიაში.

საქართველოსთან ერთად, სტატიაში სხვა ქვეყნებზეც არის საუბარი. საქართველო საპატიო ადგილს იკავებს ისეთი ქვეყნების გვერდით, როგორიცაა ბრაზილია, ინდოეთი, ფილიპინები, ისრაელი, სამხრეთ აფრიკა, მექსიკა, აზერბაიჯანი, ვიეტნამი, ესპანეთი, კანადა და ა.შ.