ვარსკვლავის სტატუსს წარმოუდგენელ პოპულარობასა და ფუფუნებასთან ერთად კრიტიკის წვიმაც მოაქვს თან, რომელიც მეტწილად საავდრო ღრუბელივით განაწყენებული საზოგადოებისა და მედიის მხრიდან მოემართება. არც თუ ისე ხშირია შემთხვევა, როდესაც თავად სელებრითი აკრიტიკებს სხვა სელებრითს. "ვარსკვლავურ ომებს" ერთმანეთის რეპუტაციისა და საქმიანი ურთიერთობების დაზიანების გამო მეტწილად გაურბიან, თუმცა არსებობს გამონაკლისი შემთხვევები, როცა ვარსკვლავი ღიად დაუპირისპირდა მეორე ვარსკვლავს.

მაშ ასე, წარმოგიდგენთ 10 შემთხვევას, როცა ვარსკვლავებმა სხვა ვარსკვლავებს წაკბინეს:

1. ჯენიფერ ლოპესი VS ვაინონა რაიდერი

90-იანი წლების ერთ-ერთი ყველაზე წარმატებული მსახიობი ჯენიფერ ლოპესმა ღიად გააკრიტიკა: "არასდროს ვყოფილვარ მისი დიდი გულშემატკივარი. ჰოლივუდში ის გაღმერთებულია, ოსკარებზეა წარდგენილი, მაგრამ არასდროს მსმენია ხალხს ან ჩემს მეგობრებს მასზე ეთქვათ — 'ო, მე ის მიყვარს!'"

2. ჯენიფერ ლოპესი VS კამერონ დიაზი

ჯენიფერ ლოპესს კამერონ დიაზზეც აღმოაჩნდა სათქმელი: "იღბლიანი მოდელი, რომელსაც უამრავი შესაძლებლობა მისცეს. ვისურვებდი, უფრო მეტი გაკეთებინა ამ შესაძლებლობებით. ჩემი საუკეთესო მეგობრის ქორწილში რომ ვნახე, ვიფიქრე, რეჟისორის დახმარებით შეუძლია, კარგიც იყოს."

3. მართა სტიუარტი VS გვინეტ პელტროუ

მართა სტიუარტმა გვინეტ პელტროუს ბრენდზე, "გუპზე", საუბრისას, რომელიც თანამედროვე ჯანსაღი ცხოვრების სტილის შესახებ გვაძლევს რჩევებს, აღნიშნა: "ის კინოვარსკვლავია. თავის სამსახიობო ხელოვნებაში დარწმუნებული რომ იყოს, არ შეეცდებოდა, მართა სტიუარტი ყოფილიყო".

4. მართა სტიუარტი VS ბლეიკ ლაივლი

მართას საკბილო გახდა ბლეიკ ლაივლის მიერ თავისი ცხოვრების სტილის შესახებ შექმნილი ბლოგიც: "სულელურია. მას შეეძლო, მსახიობი ყოფილიყო. რატომ უნდა მოგინდეს ჩემი ადგილის დაკავება, თუ შეგიძლია მსახიობი იყო?"

5. ბრაიან კოქსი VS ჯონი დეპი

ბრაიან კოქსმა ფილმზე ედვარდ მაკრატელხელება საუბრისას ჯონი დეპის სამსახიობო ხელოვნებასთან დაკავშირებით აღნიშნა: "მოდი, ვაღიაროთ, ასეთი ხელებითა და გათეთრებული, დაშრამული სახით მეტი არაფრის გაკეთება აღარ გჭირდება და არც მას გაუკეთებია რამე".

6. ბრაიან კოქსი VS კვენტინ ტარანტინო

იმავე ბრაინ კოქსს არც კვენტინ ტარანტინო შეუმკია: "მისი შემოქმედება ჩემთვის მყვირალაა. ძალიან ზედაპირულია. სტილი იქ, სადაც უნდა იყოს შინაარსი. Pulp Fiction-ს ბოლომდე ვერ ვუყურე".

7. კურტ კობეინი VS Guns N’ Roses

კურტ კობეინმა, რომელიც ნირვანას წამყვანი მომღერალი იყო, Guns N’ Roses გაკენწლა: "ჩვენ არ ვართ ტიპიური Guns N’ Roses-ის მსგავსი ჯგუფი, რომელსაც არაფერი აქვს სათქმელი."

8. ბლეიკ შელტონი VS ბრიტნი სპირსი

ბლეიკ შელტონმა ბრიტნი სპირსს ფონოგრამაზე სიმღერაში დასდო ბრალი და განაცხადა: "თუ ცოცხალი მუსიკა არ მოგწონთ, მაშინ უნდა წახვიდეთ და ბრიტნი სპირსი ნახოთ."

9. კარლ ლაგერფილდი VS პიპა მიდლტონი

კარლ ლაგერფილდმა პიპა მიდლტონი უფროს დას, ქეითს, შეადარა და განაცხადა: "ქეით მიდლტონს მშვენიერი სილუეტი აქვს და სწორი არჩევანია პრინც უილიამისთვის. მე მომწონს ამ ტიპის ქალი. მომწონს რომანტიკული სილამაზეები. მეორე მხრივ, მის დას უჭირს. დის სახე არ მომწონს. მან მხოლოდ ზურგი უნდა აჩვენოს."

10. მეგან ფოქსი VS მაიკლ ბეი

მეგან ფოსქმა პროდიუსერი და რეჟისორი მაიკლ ბეი ჯერ ნაპოლეონს, შემდეგ კი ჰიტლერს შეადარა: "მაიკლს უნდა, გადაღების დროს ჰიტლერი იყოს და არის კიდეც. მაგრამ გადასაღები მოედნიდან როცა გაგყავს და რეჟისორის ამპლუაში აღარ არის, მისი ტიპაჟით ვერთობი, რადგან ძალიან მოუხერხებელია, უიმედოდ მოუხერხებელი. საერთოდ არ აქვს სოციალური უნარები."