ამერიკელი კაცი კიბოს მქონე დედის პარიკისთვის თმას 2 წელი იზრდიდა

არიზონაში მცხოვრებ მელანის 2018 წელს ქიმიოთერაპიის გამო თმა გასცვივდა. ამის გამო მელანი დამწუხრებული იყო, რადგან არ უნდოდა, საზოგადოებაში სხვების ყურადღება მიეპყრო და მუდმივად თანაგრძნობა და წუხილი დაემსახურებინა.

"როცა თმა არ გაქვს, სხვებისგან მარტივად გამოირჩევი და კეთილისმსურველი ადამიანებიც კი ისეთ რაღაცებს გეუბნებიან, რაც გულს გტკენს", — განაცხადა მელანიმ.

ამის გამო აღელვებულ მელანის ერთ დღეს შვილმა ხუმრობით შესთავაზა, რომ თმას გაიზრდიდა, რათა დედას ახალი პარიკი ჰქონოდა. მეტმა გადაწყვიტა, დაპირება შეესრულებინა.

27 წლის მეტი, რომელსაც დედის მსგავსი თმა აქვს, თმას ორწელიწადნახევარი იზრდიდა. როცა თმის სიგრძემ 30 სანტიმეტრს მიაღწია, მეტმა ის შეიჭრა და დედასთან ერთად პარიკების სახელოსნოში წაიღო.

მელანიმ ახალი პარიკი მალევე მოირგო და აღფრთოვანებულიც დარჩა. მელანის თქმით, ბედნიერია, რომ თავს ლამაზად გრძნობს. დედამ და შვილმა ახალი ვარცხნილობებით კამერის წინაც იპოზიორეს.

ბოლო ამბები:

გირჩევთ