ილონ მასკის თქმით, ტეხასსა და ბერლინში მდებარე Tesla-ის (TSLA) ახალი ქარხნები მილიარდობით დოლარს კარგავენ. მსოფლიოს უმდიდრესი ადამიანი ამბობს, რომ ამის მიზეზი ბატარეების დეფიციტი და ჩინეთის პორტში არსებული პრობლემებია, რაც წარმოების ზრდას უშლის ხელს.

მასკი ამ ქარხნებს ღუმელს ადარებს, რომელშიც ფული იწვება. Tesla-ის ხელმძღვანელი ამბობს, რომ ტეხასის ქარხანა ავტომობილების მცირე რაოდენობას აწარმოებს, რადგან წარმოებისთვის საჭირო ზოგიერთი ნედლეული "გაჭედილია ჩინეთის პორტში".

ბოლო ორი წელი მიწოდების ჯაჭვის შეფერხების კუთხით აბსოლუტური კოშმარი იყო და ჩვენ აქედან ჯერ არ გამოვსულვართ

ილონ მასკი

კომპანიის ეს ორი ქარხანა გამოწვევის წინაშე დგას, როგორ გააგრძელოს ფუნქციონირება და არ გაკოტრდეს, რათა დასაქმებულებს ხელფასები გადაუხადოს.

მასკმა კვირის დასაწყისში ისიც თქვა, რომ მომავალი სამი თვის განმავლობაში Tesla პერსონალის 10%-ს შეამცირებს. მისი შეფასებით, აშშ რეცესიის წინაშეც შეიძლება დადგეს.

Tesla-მ ბერლინისა და ტეხასის ქარხნებში წარმოება მიმდინარე წლის დასაწყისში დაიწყო. ამ ორი ქარხნის მუშაობა კომპანიის წარმოების ზრდის ამბიციების დასაკმაყოფილებლად კრიტიკულად მნიშვნელოვანია. აღსანიშნავია, რომ კომპანიამ Cybertruck-ის ელექტრო პიკაპების წარმოება 2023 წლისთვის გადადო.

Tesla-ის აქციების ფასმა პიკს 2021 წლის ნოემბერში მიაღწია. მიმდინარე წლის დასაწყისთან შედარებით კომპანიის ერთი აქციის ღირებულება 31%-ით არის შემცირებული. ამჟამად Tesla-ის ერთი აქცია 708 დოლარად ივაჭრება.

სავარაუდოა, რომ მოკლევადიან პერიოდში არსებული კრიზისი კომპანიის აქციებზე უარყოფითად აისახება. ამ საქმეში გამოცდილი ადამიანები ამბობენ, რომ ეს ფასიანი ქაღალდების ყიდვისთვის საუკეთესო დროა — აქ მთავარია დარწმუნდე, რომ ვარდნა გრძელვადიან პერიოდში არ გაგრძელდება.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.