Apple (AAPL) მსოფლიოს უმსხვილესი ფირმაა, რომლის საბაზრო კაპიტალიზაცია 2,1 ტრილიონ დოლარს უტოლდება. ჯერ კიდევ მიმდინარე წლის დასაწყისში კომპანიის ზომამ 3 ტრილიონს მიაღწია და გახდა ერთადერთი ფირმა, რომელმაც ეს მწვერვალი დაიპყრო.

ბოლო ექვს თვეში ტექ-კომპანიების აქციების ვარდნის პარალელურად Apple-ის ფასიანი ქაღალდების გაიაფებამ კომპანიის ზომა თითქმის მილიარდით შეამცირა.

ეკონომისტები აშშ-ის ფედერალური სარეზერვო ბანკის მხრიდან საპროცენტო განაკვეთების კიდევ უფრო ზრდას ელოდებიან, რაც მსოფლიოში არსებული მაღალ ინფლაციას უკავშირდება. მათივე შეფასებით, შესაძლებელია, ამან ტექ კომპანიების აქციების ფასის ვარდნა კიდე უფრო გამოიწვიოს.

მიმდინარე წელს კომპანიის აქციები 24%-ით არის შემცირებული, რაც მსოფლიო ეკონომიკაში არსებულ ზოგად ფონს, მაღალ ინფლაციას, შენელებულ ეკონომიკურ ზრდასა და მიწოდების ჯაჭვში არსებულ პრობლემებს უკავშირდება. ამას ისიც ემატება, რომ ჩინეთში არსებული კოვიდ შეზღუდვები კომპანიას დამატებით პრობლემებს უქმნის.

Apple-თან ერთად Amazon, Netflix და Alphabet ის კომპანიები იყვნენ, რომლებმაც ეგრეთ წოდებული ხარის ბაზრით დიდი მოგება ნახეს, თუმცა მიმდინარე წელი მათთვისაც ნაკლებად სახარბიელო აღმოჩნდა. ამ კომპანიებმა წელს ჯამში 2,6 ტრილიონი დოლარის საბაზრო კაპიტალიზაცია დაკარგეს, რადგან ამ პერიოდში ინვესტორებმა მზარდი სახელის მქონე აქციებს თავი აარიდეს.

ფისკალური მესამე კვარტლის შეფასებისას ანალიტიკოსები ფრთხილობენ, რაც კომპანიის ეგრეთ წოდებულ ყიდვის რეიტინგზეც აისახება. აპრილში Apple-მა განაცხადა, რომ 4-დან 8 მილიარდ დოლარამდე შემოსავალს ელოდება.

ბოლო მონაცემებით, Apple-ის ერთი აქციის ღირებულება 130 დოლარია. კომპანიის ფასიანი ქაღალდების ღირებულებამ მაქსიმუმს გასული წლის მიწურულს მიაღწია, როდესაც მისი აქციის ფასი 179 დოლარს უტოლდებოდა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.