Ford აპირებს, რომ ელექტრონული ავტომობილების მწარმოებელი კომპანიის, Rivian-ის 8 მილიონი აქცია გაყიდოს. ამის შესახებ წყაროზე დაყრდნობით CNBC წერს.

როგორც ცნობილია, ამჟამად Ford-ი Rivian-ის 102 მილიონ აქციას ფლობს. კომპანიის ფასიანი ქაღალდების დათმობას ის Goldman Sachs-ის საშუალებით აპირებს.

აღსანიშნავია, რომ კვირას გავიდა ეგრეთ წოდებული ჩაკეტვის პერიოდი, როდესაც კომპანიის ადრეულ ინვესტორებს Rivian-ის ფასიანი ქაღალდების გაყიდვის უფლება არ ჰქონდათ. Rivian-მა აქციებით ვაჭრობა (IPO) გასული წლის ნოემბერში დაიწყო.

CNBC-ის წყაროს ცნობით, Rivian-ის აქციებს კომპანიის ფასიანი ქაღალდების სხვა მფლობელებიც აპირებენ.

2021 წლის ბოლოს, როდესაც Rivian-მა IPO გამოაცხადა, კომპანიის აქციების ფასმა მაქსიმუმს მიაღწია. მიმდინარე წლის პირველ კვარტალში კი Rivian-ის აქციები 50%-ით გაუფასურდა. ამჟამად, კომპანიის ერთი აქციის ფასი 14,19 დოლარია.

Rivian მიწოდების ჯაჭვისა და შიდა წარმოების პრობლემების წინაშე დგას. კომპანიამ განაცხადა, რომ წელს 25 000 ცალი ელექტრო სატვირთო მანქანისა და SUV-ის წარმოებას ელოდება. ეს მხოლოდ ნახევარია იმ პროგნოზთან შედარებით, რომელიც კომპანიამ საკუთარ აქციონერებს გასული წლის მიწურულს წარუდგინა.

ზოგიერთი ინვესტორი კრიზისებს შესაძლებლობად აქცევს და სწორედ იმ კომპანიების აქციებით ინტერესდება, რომელთა ფასიანი ქაღალდებიც ვარდნას განიცდიან. უნდა ითქვას, რომ ინვესტირებისას სიღრმისეული კვლევის ჩატარება და ყველა მნიშვნელოვანი ფაქტორის გათვალისწინებაა რეკომენდებული.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.