მიმდინარე წლის პირველ კვარტალში Moderna-მ 5,9 მილიარდი დოლარის ღირებულების Covid-ვაქცინა გაყიდა. აღსანიშნავია, რომ წლიურ ჭრილში კომპანიის გაყიდვების მოცულობა 3-ჯერ არის გაზრდილი — გასული წლის პირველ კვარტალში Moderna-მ 1,7 მილიარდის ვაქცინები გაყიდა.

ოთხშაბათს კომპანიის აქციების ღირებულება 7%-ზე მეტით გაიზარდა შემდეგ კი ოდნავ შემცირდა.

კომპანია კვლავ ელოდება, რომ მიმდინარე წლის განმავლობაში $21 მილიარდის Covid ვაქცინას გაყიდის. ეს მაჩვენებელი მის მიერ სხვადასხვა ქვეყნის მთავრობებთან გაფორმებულ ხელშეკრულებებს ეფუძნება. ამასთან, პროგნოზი არ მოიცავს აშშ-ის მთავრობის შეკვეთებს, რაც ნიშნავს იმას, რომ კომპანიის გაყიდვების საბოლოო მაჩვენებელი, დიდი ალბათობით, $21 მილიარდზე მეტი იქნება.

კომპანიის აღმასრულებელი დირექტორი, სტეფან ბანსელი ამბობს, რომ მიმდინარე წლის მეორე ნახევარში ვაქცინების გაყიდვებში ზრდას ელოდება.

Moderna-მ კვარტლის ჭრილში $3,66 მილიარდის წმინდა შემოსავალი მიიღო, რაც გასული წლის იმავე პერიოდთან შედარებით სამჯერ არის გაზრდილი. ამასთან, კომპანიის შემოსავალმა პროგნოზირებულ მაჩვენებელს $1,45 მილიარდით გადააჭარბა.

ოთხშაბათს კომპანიის პრეზიდენტმა სტივენ ჰოჯმა განაცხადა, რომ Moderna ივნისში აპირებს გამოაქვეყნოს ახალი ვაქცინის შესახებ მონაცემები, რომელიც ომიკრონის შტამის წინააღმდეგ იქნება მიმართული. ამასთან, კომპანია აქტიურად მუშაობს, რათა ბავშვებისთვის საჭირო ვაქცინებზე ნებართვა მიიღოს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.