Airbnb-მ სამშაბათს ფინანსური მონაცემები გამოაქვეყნა, რომლის მიხედვითაც, კომპანიის შემოსავლებმა პროგნოზირებულ მაჩვენებლებს გადააჭარბა. ამის შედეგად, კომპანიის აქციების ფასი 6%-ზე მეტით გაიზარდა.

ახალი მონაცემების მიხედვით, ასეთია კომპანიის ძირითადი ფინანსური მაჩვენებლები:

  • ზარალი ერთ აქციაზე — 3 ცენტი, მოსალოდნელი 29 ცენტის ნაცვლად;
  • შემოსავალი — 1,51 მილიარდი დოლარი, მოსალოდნელი 1,45 მილიარდის ნაცვლად.

როგორც ცნობილი ხდება, მიმდინარე წლის პირველ კვარტალში Airbnb-ის შემოსავლები წლიურად 70%-ით არის გაზრდილი. იმის გათვალისწინებით, რომ პოსტპანდემიური კრიზისის საკითხი ჯერ კიდევ დღის წესრიგშია და უკრაინაში ომი მიმდინარეობს, ეს მაჩვენებლები კომპანიისთვის ნამდვილად შთამბეჭდავია.

აქვე უნდა აღინიშნოს, რომ გასული წლის პირველ კვარტალში Airbnb-ის ზარალი $1,2 მილიარდი იყო, ხოლო მიმდინარე წლის იმავე პერიოდში $19 მილიონი. ამასთან, კომპანიამ პირველ კვარტალში 102,1 მილიონი ჯავშანი გააფორმა, რაც პოსტპანდემიური პერიოდისთვის მაღალი მაჩვენებელია.

ბაზრის ექსპერტები ელოდებიან, რომ ტურიზმის აღდგენის პროცესი გაგრძელდება და კომპანიის შემოსავლები კიდევ უფრო გაიზრდება. Airbnb-ში ამბობენ, რომ კომპანიის შემოსავლები მიმდინარე კვარტალში 2,03-დან 2,13 მილიარდ დოლარამდე იქნება. ანალიტიკოსების შეფასებით კი, მეორე კვარტალში Airbnb 1,96 მილიარდის შემოსავალს მიიღებს.

როგორც ცნობილია, ტურიზმის სექტორი გამოწვევების წინაშე კვლავ დგას, თუმცა Airbnb-ში პოზიტიური მოლოდინები აქვთ. სავარაუდოა, რომ მსოფლიო ტურიზმის გამოცოცხლება კომპანიის აქციების ღირებულებაზე დადებითად აისახება.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.