Tesla და Amazon აქციების გაყოფას აანონსებენ, რაც მათი ფასიანი ქაღალდების ღირებულების ზრდას იწვევს.

ორშაბათის ვაჭრობის შედეგად, Tesla-ს აქციების ფასი 8%-ით გაიზარდა, რის შედეგადაც კომპანიის საბაზრო კაპიტალიზაციას $84 მილიარდი დაემატა. ეს მას შემდეგ მოხდა, რაც კომპანიამ აქციების გაყოფის შესახებ განაცხადა.

მიმდინარე თვეში Amazon-ის აქციების ღირებულება 5%-ით გაიზარდა. ამ შემთხვევაშიც ზრდა კომპანიის განცხადებას უკავშირდება, რომლის მიხედვითაც, ის აქციების 20-ად გაყოფაზე საუბრობს.

აქციების გაყოფა მსხვილი კომპანიებისთვის მიღებული პრაქტიკაა, რომლის მიზანიც გაზრდილი ღირებულების მქონე აქციების ფასის შემცირების მიზნით მათი დანაწილებაა. გაყოფის შემდეგ აქციების ღირებულებაც იყოფა, რაც ახალი ინვესტორების მოზიდვის შესაძლებლობებს აჩენს. იმ მეწილეებისთვის, რომლებსაც კომპანიის აქციები უკვე ნაყიდი აქვთ, თითქმის არაფერი იცვლება, რადგან მათი ფასიანი ქაღალდების საერთო ღირებულება იგივე რჩება.

იმის მიუხედავად, რომ აქციების გაყოფა მათი ღირებულების თვალსაზრისით თითქმის არაფერს ცვლის, ამ თემაზე გაკეთებული განცხადებების შემდეგ კომპანიები ყურადღების ცენტში ექცევიან.

"გაყოფას შეუძლია აქციები უფრო მიმზიდველად აქციოს, რამაც ახალი მყიდველების მოძიება უნდა გამოიწვიოს", — ამბობს Ally Invest Securities-ის სტატეგი, ლინდსი ბელი.

ბოლო წლების განმავლობაში აქციების გაყოფის პრაქტიკა თითქოს გაქრა აშშ-ის საფონდო ბირჟებიდან. 2019 წელს ასეთი სულ ორი შემთხვევა იყო, მაშინ, როდესაც 2006-2007 წლებში 41 მსგავს ფაქტს ჰქონდა ადგილი.

აქციების გაყოფა, როგორც წესი, კომპანიებისთვის სარგებლის მომტანია. 2020 წელს, Tesla Inc-ის აქციების ღირებულება გაყოფის გამოცხადებიდან მის შესრულებამდე 60%-ზე მეტით გაიზარდა. ხოლო Apple-ის აქციებისთვის იმავე ვადაში დაახლოებით 30%-იანი ზრდა დაფიქსირდა. როგორც ცნობილია, Apple ერთადერთი კომპანიაა, რომლის საბაზრო კაპიტალიზაციამაც მიმდინარე წელს 3 ტრილიონ დოლარს გადააჭარბა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.