Google-ის ანდროიდ აპლიკაციაში ახლა უკვე ბოლო 15 წუთის ძებნის ისტორიის წაშლას შეძლებთ

Google ანდროიდის მომხმარებლებს ახალ ფუნქციას სთავაზობს, რომლის მეშვეობითაც აპლიკაციაში ბოლო 15 წუთის ძებნის ისტორიას მარტივად წაშლით.

კომპანიის წარმომადგენლები აცხადებენ, რომ ეს სიახლე Google-ის ანდროიდ ვერსიაში უკვე ეშვება და ის ყველასთვის ხელმისაწვდომი მომდევნო კვირების განმავლობაში გახდება. აღსანიშნავია, რომ ზოგიერთმა მომხმარებელმა სმარტფონში ზემოხსენებული ფუნქცია უკვე შენიშნა.

At Google I/O 2021, Google announced it'd roll out an option to delete the last 15 minutes of your search history. This rolled out on iOS in July 2021 but was said to come to Android later. Well, it appears to now be rolling out!

Thanks to @panduu221 for the tip! pic.twitter.com/gdtAa1pIFo
— Mishaal Rahman (@MishaalRahman) March 18, 2022

იმის გასაგებად, არის თუ არა ის თქვენთვისაც ხელმისაწვდომი, Google-ის აპლიკაცია უნდა გახსნათ, თქვენს პროფილის ფოტოს დააჭიროთ და ჩამონათვალში "ბოლო 15 წუთის წაშლის" შემოთავაზება მოძებნოთ.

აღსანიშნავია, რომ კომპანიამ აღნიშნული სიახლე ჯერ კიდევ გასული წლის მაისში დააანონსა და პირველად ის iOS-ის ოპერაციულ სისტემაზე მომუშავე მოწყობილობების მფლობელებს შესთავაზა. ანდროიდის ჯერი წესით იმავე წელს უნდა დამდგარიყო, თუმცა უცნობი მიზეზების გამო, ეს მხოლოდ ახლაღა მოხდა.

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.

ბოლო ამბები:

გირჩევთ