რა გავიგეთ ახალციხეში მომხდარ ამბავზე და როგორია ექთნის მდგომარეობა
დღეს, 18 მარტს გავრცელდა ინფორმაცია, რომ ახალციხეში ექთანი AstraZeneca-ს ვაქცინის გაკეთების შემდეგ კომაში ჩავარდა. მედიების ნაწილი ამტკიცებდა, რომ ეს ვაქცინის გვერდითი მოვლენაა. შემთხვევიდან დაახლოებით 1 საათში, ჯანდაცვის სამინისტროსა და NCDC-ში გაიმართა ბრიფინგი, სადაც აღნიშნეს, რომ, შესაძლოა, ეს ვაქცინით გამოწვეული ანაფილაქსიური რეაქცია იყოს, თუმცა, ამას სჭირდება დადასტურება.
როგორც ამირან გამყრელიძემ აღნიშნა, ექთანი ვაქცინაციის აქტიური მომხრე იყო და აცრის გაკეთების შემდეგ მან ერთ-ერთ მედიას ინტერვიუ მისცა, სადაც ვაქცინის მნიშვნელობაზე ისაუბრა. მისი თქმით, ის თავს კარგად გრძნობდა, თუმცა დაახლოებით ნახევარ საათში შეუძლოდ გახდა. გარდა ამისა, მანვე აღნიშნა, რომ ექთანს სხვადასხვა დროს გაკეთებული ჰქონდა აცრები, თუმცა ანამნეზში ალერგიულ რეაქცია არ დაფიქსირებია.
ექთნის მდგომარეობის გაუარესებას ახალციხეში დაპირისპირება მოყვა. ოჯახის ახლობლებმა დაამტვრიეს კლინიკის მინები და ექთნის ნახვას ითხოვდნენ.
რა ვიცით სავარაუდო გვერდით რეაქციასა და ექთნის მდგომარეობაზე
"ბრიფინგის ძირითადი მიზანია, გაუწყოთ და შეგატყობინოთ პირველი სერიოზული გვერდითი რეაქცია, გართულება ვაქცინაციის პროცესის. ვაქცინაცია და ნებისმიერი წამალი არ გახლავთ დაზღვეული გვერდითი მოქმედებებისგან. ვაქცინებზე ზოგადად, არსებობს მსუბუქი გვერდით მოქმედებები და სერიოზული. ყველაზე სერიოზული გვერდით მოქმედება, რომელიც ვითარდება სწრაფად, ვაქცინის ან წამლის გამოენების შემდეგ, ეს არის ანაფილექსიური რეაქცია, რომელიც ინექციიდან 15-20-30 წუთში ვითარდება, თუმცა შეიძლება იყოს მოგვიანებითი რეაქციაც", — განაცხადა ამირან გამყრელიძემ.
მისივე განცხადებით, ექთანს გვერდითი მოვლენის განვითარება ვაქცინაციიდან 30 წუთის შემდეგ დაეწყო. ის ზუსტად ვერ ამბობს, იყო ეს ალერგიული, თუ სხვა ტიპის რეაქცია, თუმცა ექიმებთან წინასწარი კონსულტაციის მიიხედვით, ვარაუდობენ, რომ საქმე გვაქვს ანაფილაქსიურ რეაქციასთან.
"დღეს ახალციხეში, იმედის კლინიკაში, რომელიც აწარმოებს აცრებს და აცრილი ჰყავს დაახლოებით 16 ადამიანი, 12:15 წუთზე აიცრა ჩვენი კოლეგა, სამედიცინო პერსონალი, 27 წლის ქალბატონი. რომელიც როგორც ვიცი ანამნეზით, სისტემატურად იტარებდა გრიპის საწინააღმდეგო აცრას და ასევე არ აღნიშნავდა ანამნეზში ალერგიულ რეაქციებს", — განაცხადა გამყრელიძემ.
მანვე განაცხადა, რომ პაციენტს ადგილზევე ჩაუტარდა დახმარება, მაგრამ მდგომარეობა სწრაფად დამძიმდა და მოხდა მისი ხელოვნურ სუნთქვაზე გადაყვანა.
ჯანდაცვის მინისტრის მოადგილის, თამარ გაბუნიას განცხადებით, ექთნის მდგომარეობა მძიმეა და ამ დროისთვის მას უტარდება მკურნალობა რეანიმაციულ განყოფილებაში. მისივე თქმით, ის თბილისში გადმოჰყავთ.
"ამ შემთვევაში მძიმე გვერდით რეაქციასთან გვაქვს საქმე, რადგა მან გამოიწვია ჰოსპიტალიზაცია და რეანიმაციული მკურნალობის აუცილებლობა", — აღნიშნა გაბუნიამ.
შეჩერდება თუ არა AstraZeneca-თი ვაქცინაცია
"დაუყოვნებლივ დაწყებული იქნა გამოძიება ამ შემთხვევის, როგორც ეს ხდება გვერდითი მოვლენების მართვის პროტოკოლის შესაბამისად", — განაცხადა ბრიფინგზე თამარ გაბუნიამ.
გარდა ამისა, მათ აღნიშნეს, რომ პროცესში ჩართულები არიან იმუნიზაციის უსაფრთხოების ექსპერტები და ეროვნული კომიტეტის წევრებიც. მათივე თქმით, გაიმართება სხდომა, სადაც იმსჯელებენ შეჩერდება თუ არა ქვეყანაში ასტრაზენეკათი ვაქცინაცია.
"სტანდარტულად, როდესაც დგება სავარაუდო გვერდითი რეაქცია. ექსპერტების შეფასების საფუძველზე, თუ ეს არის მძიმე გვერდითი რეაქცია და ახლა ასეა. ამ შემთხვევაში, ვიდრე არ მოხდება შესწავლა შემთხვევის და მიზეზ-შედეგობრივი კავშირის გამოკვლევა, ექსპერტების ჯგუფი იმსჯელებე იმაზე, ხომ არ შეჩერდეს ვაქცინაციის პროცესი გარკვეული პერიოდით, ვიდრე არ დადგინდება", — განაცხადა გაბუნიამ.
მანვე აღიშნა ისიც, რომ ასტრაზენეკას ვაქცინას მსგავს გვერდით რეაქცია აქვს უკვე დაფიქსირებული — ბრიტანეთის მონაცემებით, 5 მილიონი შემთხვევიდან 41 იყო მსგავსი ანაფილაქსიური გვერდითი რეაქცია.
გარდა ამისა, გაბუნიას დაუსვეს კითხვა ანტივაქსერული დამოკიდებულებებისა და ამ ემთხვევის გამო ნდობის შესაძლო კლების შესახებ, რაზეც მან განაცხადა:
"ნდობა ისედაც მოსახლეობაში და სამედიცინ პერსონალში ვაქცინაციის პროცესის მიმართ მაღალი არ არის. ნებისმიერ შემთხვევაში ჩვენ უნდა გვახსოვდეს, რომ ვაქცინაციის რისკი მის სარგებელთა მიმართებაში ყოველთვის არის უფრო ნაკლები".
აღსანიშნია, რომ ვაქცინის გვერდით მოვლენებზე ინფორმაცია თავიდანვე გავრცელდა და ჯანდაცვის სფეროს ექსპერტები აცხადებდნენ, რომ რისკისშემცველი შემთხვევების მაჩვენებელი ძალიან დაბალია.
განახლება
საქართველოში AstraZeneca-ს ვაქცინის გამოყენება არ შეჩერდება. ამის შესახებ ჯანდაცვის მინისტრმა, ეკატერინე ტიკარაძემ ბრიფინგზე განაცხადა და პაციენტის მდგომარეობაზეც ისაუბრა.
"ძალიან მნიშვნელოვანი განცხადება გაკეთდა ევროპის მკაცრი მარეგულირებლის მხრიდან და სულ რამდენიმე წუთის წინ ჩვენ შევიტყვეთ, ასტრაზენეკას მიმართ გაკეთებული დასკვნა, რის საფუძველზეც ის არის აღიარებული, როგორც უსაფრთხო ვაქცინა, რომელსაც აქვს გაცილებით უფრო მეტი სარგებელი, ვიდრე რისკი, რაც არ აძლევს არც ერთ ქვეყანას იმის საფუძველს, რომ შეჩერებულ იქნას ასტრა-ზენეკას მოხმარება ნებისმიერ ქვეყანაში. ", — განაცხადა ტიკარაძემ.
მინისტრის თქმით, ექთნის საქმეს სპეციალური კომიტეტი შეისწავლის. მისივე თქმით, მოქალაქეებს ინფორმაციას დაუყოვნებლივ მიაწვდიან, როცა პასუხი ექნებათ. მინისტრმა აღნიშნა ისიც, რომ პაციენტი თბილისის პირველ საუნივერსიტეტო კლინიკაში გადმოიყვანეს და მის მკურნალობაზე მულტიპროფილური გუნდი იზრუნებს.
"კერძოდ, ექიმების მულტიპლოფილური გუნდი საღამოს ცხრა საათზე გამართავს ერთობლივ კონსილიუმს, რის საფუძველზე მიიღეება ერთობლივი გადაწყვეტილება, თუ როგორი იქნება პაციენტის შემდგომი მკურნალობის ტაქტიკა და მე დარწმუნებული ვარ, რომ ჩვენი ექიმების ერთობლივი ძალისხმევით, ჩვენ ძალიან მალე შევძლებთ და გვექნება გამოსავალი პაციენტთან მიმართებაში", — განაცხადა მან.
-
გადახედვა13 წლის გოგოს გაუპატიურების ბრალდებით, მამა დააკავეს — მედია 13 წლის გოგოს გაუპატიურების ბრალდებით, მამა დააკავეს — მედია
-
გადახედვაროგორი ამინდი იქნება 2 მაისამდე როგორი ამინდი იქნება 2 მაისამდე
-
გადახედვარუსეთმა კოსმოსში ბირთვული იარაღის გატანის აკრძალვას მხარი არ დაუჭირა რუსეთმა კოსმოსში ბირთვული იარაღის გატანის აკრძალვას მხარი არ დაუჭირა
-
გადახედვაOn.ge-ის 10 ქვიზი, რომელიც აპრილში მოგიმზადეთ და შეიძლება გამოგრჩა On.ge-ის 10 ქვიზი, რომელიც აპრილში მოგიმზადეთ და შეიძლება გამოგრჩა
-
გადახედვა28 მაისიდან, საქართველოს მოქალაქეებს შეეძლებათ უვიზოდ იმოგზაურონ ჩინეთში 28 მაისიდან, საქართველოს მოქალაქეებს შეეძლებათ უვიზოდ იმოგზაურონ ჩინეთში
-
გადახედვაამერიკული ავიაკომპანია 101 წლის ქალს შეცდომით 1 წლის ბავშვად არეგისტრირებს ამერიკული ავიაკომპანია 101 წლის ქალს შეცდომით 1 წლის ბავშვად არეგისტრირებს
-
გადახედვასალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ სალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ
-
-
-
გადახედვაალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი ალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი
-
გადახედვაქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან! ქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან!
-
გადახედვასამხარაძე აქციის მონაწილეებს: დაგცინით, გათრევთ და გთანგავთ! სამხარაძე აქციის მონაწილეებს: დაგცინით, გათრევთ და გთანგავთ!
-
გადახედვაპარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ პარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
კომენტარები