The Modern Family-ის ვარსკვლავ სოფია ვერგარას Netflix-ის ახალ მინისერიალში, სახელად Griselda, კოკაინის დედოფლის როლში მალე ვიხილავთ.

გავრცელებული ფოტოს მიხედვით, სოფია ვერგარა გრიზელდა ბლანკოს როლს შეასრულებს და როგორც ცნობილია, ის მინისერიალის აღმასრულებელი პროდიუსერიც იქნება.

ფოტო: Netflix

მინისერიალი Griselda, რომელიც ამ წლის ბოლოს გამოვა, 6 ეპიზოდისგან შედგება და თითოეული 50-წუთიანი იქნება. ვერგარას კი იმ ქალის როლის მორგება მოუწევს, რომელიც მსოფლიოს უმდიდრესი ნარკომოვაჭრეა, თუმცა ბიზნესში ხშირად დაუნდობელ და ძალადობრივ გზებს მიმართავს.

Netflix-მა გამოაცხადა იმ მსახიობების სია, რომლებიც Griselda-ში მიიღებენ მონაწილეობას. სოფია ვერგარას გვერდით ასევე ვიხილავთ ალბერტო გუერას, ვანესა ფერლიტოს, ალბერტო ამანს, დიეგო ტრუხილიოსა, პაულინა დავილასა და სხვებს. ექვსივე ეპიზოდის რეჟისორი კი ანდრეს ბაიზი იქნება, რომელიც ასევე სერიალ Narcos-ის შემქმნელიცაა.