თუ შენს ბრაუზერში www.bog.design-ს ჩაწერ, საქართველოს ბანკის დიზაინ სისტემაში მოხვდები. ეს წინასწარ გამზადებული ვიზუალური ელემენტების პლატფორმა და წესების სახელმძღვანელოა.

თუ ჯერ კიდევ არაფერი გსმენია დიზაინ სისტემაზე, მოკლედ გეტყვით, რომ დიზაინ სისტემა მრავალჯერადი გამოყენების დიზაინ კომპონენტების მზა ბიბლიოთეკაა, რომლის თითოეული ელემენტი ბრენდის საერთო სტილის, კონცეფციისა და წესების გათვალისწინებითაა შექმნილი, რაც თავის მხრივ, მომხმარებლის სისტემატური კვლევის ანალიზით არის გამყარებული. უფრო ვრცლად დიზაინ სისტემაზე, აი, ამ სტატიაში წაიკითხავ:

წაიკითხე:

თუკი ციფრული ინდუსტრიით ხარ დაინტერესებული, საქართველოს ბანკის დიზაინ სისტემის პლატფორმა ახალ შესაძლებლობებს შეგძენს. იგი იმ კომპონენტების შესახებ აერთიანებს ინფორმაციას, რომელიც ციფრული პროდუქტების შექმნის პროცესს ბევრად უფრო მარტივს და მოქნილს ხდის. დიზაინ სისტემის დახმარებით, გაცილებით უფრო მარტივი ხდება ნებისმიერი რაოდენობის ციფრული პროდუქტის მართვა და მათი შექმნისას ერთგვაროვნების დაცვა.

www.bog.design-ზე იპოვი დეტალურად დალაგებულ ფერების სტრუქტურას, მათი გამოყენების წესებს, სიმბოლოებისა და ტიპოგრაფიის კატალოგს, მცირე და დიდი ზომის ელემენტების ბიბლიოთეკას, გრიდების სისტემას და მრავალ საჭირო რესურსს.

გაინტერესებს მეტი? ნახე ვიდეო საქართველოს ბანკისგან და გაიცანი დიზაინ სისტემა, რომელიც მუდმივად ვითარდება, იზრდება, იხვეწება და რაც ყველაზე მნიშვნელოვანია, არასოდეს არ ჩერდება: