მართვის მოწმობის ტესტებს ზოგი შიშითა და კრძალვით უვლის გვერდს, ზოგი კენწეროში გატკბილების მოლოდინშია, ხოლო Myauto-მ გადაწყვიტა ეს პროცესი გართობად ექცია. ყველაზე დიდმა ავტოპორტალმა კავკასიაში — Myauto-მ მართვის მოწმობის აღების მსურველებისთვის განაახლა ლენდინგი, რომელიც თითოეულ მომხმარებელს მისცემს საშუალებას, უფრო მარტივად შეისწავლოს თეორია და დაეუფლოს ავტომობილის მართვას. გარდა ამისა, ავტოპორტალის ვიდეოები პრაქტიკული გამოცდის ილუსტრაციასაც მოახდენს და დაგეხმარება წინასწარ მოემზადო საგამოცდო მოედანზე სირთულეების დაძლევაში.

პროექტის მიზანია მაქსიმალურად სახალისო და აზარტული გახადოს სწავლის მოსაწყენი პროცესი და თამაშ-თამაშით აიღო მართვის მოწმობა, რისთვისაც ინტერაქციული პლატფორმა შეიქმნა. მალე დაემატება ანალიტიკური გვერდი, რომლის მარტივი დიზაინით, მომხმარებელს შეეძლება ზუსტად გაიგოს რა ეშლება ხშირად და სწორედ ამ მიმართულებით დახარჯოს ყველაზე მეტი დრო. უნივერსალური პლატფორმა ასევე ითვალისწინებს ყველა იმ შესაძლო საჭიროებას, რომელიც წარმოიქმნება სწავლის პროცესში და მოიცავს სხვადასხვა ასპექტს, მათ შორის მართვის მოწმობის პრაქტიკული გამოცდის ინსტრუქციას. მომხმარებელს შეუძლია მიიღოს მარტივად ახსნილი ინფორმაცია იმის შესახებ, თუ რა ელოდება გამოცდაზე, თითოეული მცირე დეტალის გათვალისწინებით.

პლატფორმა, ასევე, აერთიანებს საკანონმდებლო აქტებს, მართვის მოწმობის გამოცდაზე წარსადგენი საბუთების სიას და ყველა იმ საკითხს, რაც უკავშირდება გამოცდას, ან მანამდე გასავლელ პროცედურებს. აქ ერთ სივრცეში თავმოყრილია ყველა სახის დიდი თუ მცირე ინფორმაცია, რაც მართვის მოწმობის აღების მსურველს შეიძლება დასჭირდეს სწავლის დაწყებიდან საკუთრივ მოწმობის აღების ბოლო ეტაპამადე. ეს კი დაეხმარება მას დროის დაზოგვაში და დასახული მიზნის მარტივად ასრულების საშუალებას მისცემს.