ბრიტანული კომპანია Reckitt Benckiser ბავშვთა საკვების მწარმოებელ კომპანიას Mead Johnson Nutrition-ს ყიდულობს. ამის შესახებ ინფორმაციას Bloomberg ავრცელებს. როგორც ცნობილი გახდა, შესყიდვა 16,6 მილიარდი დოლარად განხორციელდება.

Reckitt Benckiser სხვადასხვა პროდუქტის წარმოებით არის ცნობილი. 2010 წელს აღნიშნულმა კომპანიამ პრეზერვატივის ცნობილი ბრენდი Durex შეიძინა. მას შემდეგ ბრიტანულმა კომპანიამ დურექსის სახელით მრავალი აქცია ჩაატარა, მათ შორის, 2012 წლის ლონდონის ოლიმპიადაზე. Reckitt Benckiser-მა 150,000 ცალი პრეზერვატივი ოლიმპიადის ხელმძღვანელებს უფასოდ გადასცა, რათა სპორტსმენებისთვის დაერიგებინათ. ამასთან, კომპანია დურექსმა ბადრიჯნის არომატიანი პრეზერვატივით ახალი კამპანია დააანონსა.

ბოლო წლებში Reckitt Benckiser-ის საქმე მაინცდამაინც კარგად არ მიდის. კომპანიას აქვს სტრატეგია, როგორ გამოასწოროს გაყიდვების მაჩვენებელი და როგორც ამბობენ, ამ მიზნის მიღწევაში სწორედ ბავშვთა საკვების წარმოება დაეხმარებათ.