როგორც ცოტა ხნის წინ გახდა ცნობილი, საქართველოში Aerosmith-ის კონცერტის გამართვა ბიუჯეტს 5,5 მილიონი ლარი დაუჯდება.

ჯგუფის კონცერტი ბლექ სი არენაზე, 2017 წლის 20 მაისს გაიმართება და როგორც Georgian Journal წერს, ბილეთი 70 ლარიდან 400 ლარამდე ეღირება

ბლექ სი არენას დირექტორი დიმიტრი ბერიძე ამბობს, რომ აეროსმიტის კონცერტის ბილეთების გაყიდვა თებერვალში დაიწყება.

"ბილეთის ფასი ყველა ქვეყანაში გაცილებით მაღალია, ვიდრე ჩვენთან. რამდენიმე ვარიანტი გვაქვს, რომელსაც განვიხილავთ. სავარაუდოდ, ბილეთების ფასი 70 ლარიდან დაიწყება. რაც შეეხება VIP ადგილებს, რომელიც 334 ადამიანზეა გათვლილი და რომელშიც კვება და სასმელი და პარკინგი შედის, ბილეთები სავარაუდოდ, 300-დან 400 ლარამდე ეღირება", - ამბობს ბერიძე.

Aerosmith-ის კონცერტი პროექტ Check in Georgia-ს ფარგლებში გაიმართება.