30 წლის წინ, 1990 წელს NASA-მ კოსმოსში დედამიწის ორბიტაზე ჰაბლის ტელესკოპი გაუშვა, რომელმაც ამ წლების განმავლობაში მეცნიერებს კოსმოსის შესწავლის გასამარტივებლად მრავალი უნიკალური ფოტომასალა მიაწოდა.

ტელესკოპი მას შემდეგ შეუჩერებლად, 24 საათის განმავლობაში მუშაობს და სხვადასხვა შორეული ციური ობიექტისა თუ კოსმოსური მოვლენის დაფიქსირებას ცდილობს.

სწორედ ამ საიუბილეო თარიღთან დაკავშირებით NASA-მ თავის ვებგვერდზე ახალი ფუნქცია დაამატა, რომელიც საშუალებას გაძლევთ გაიგოთ, თუ რისი გადაღება შეძლო სწორედ ამ ტელესკოპმა თქვენს დაბადების დღეზე.

NASA-ს თანახმად, ჰაბლის ტელესკოპმა სამყაროს შესახებ კაცობრიობის წარმოდგენის ცვლილებაში დიდი წვლილი შეიტანა და ამაში თქვენც დარწმუნდებით, თუ ჰაბლის მიერ გადაღებულ ფოტოებს დაათვალიერებთ.

ამის პრინციპი კი მარტივია: გადადიხართ ამ ლინკზე და შეგყავთ თქვენი დაბადების დღის თარიღი: თვე და რიცხვი.

ფოტო: NASA

შემდეგ კი თანდართულ ინფორმაციასთან ერთად იგებთ ამ დღეს გადაღებული მნიშვნელოვანი ფოტოს შესახებ. მაგალითად, პლანეტა სატურნის ეს შთამბეჭდავი ფოტო 7 მარტსაა გადაღებული.

ფოტო: NASA

ეს ჯადოსნური ფოტო კი 13 თებერვალსაა გადაღებული.

ფოტო: NASA

მოკლედ, წინ სახალისოსთან ერთად ძალიან საინტერესო სანახაობა გელით: ჰაბლის უმნიშვნელოვანესი და ძვირფასი ფოტოების საშუალებით კომოსს კიდევ უფრო მეტად შეიმეცნებთ.