ნახეთ ფოტოები ნეტფლიქსისა და სტივ კარელის ახალი კომედიური სერიალიდან

ნეტფლიქსი ტრადიციულად აგრძელებს თავისი მომხმარებლები ახალი სერიალებით გაანებივროს და სულ მალე ეს ცნობილი სტრიმინგ სერვისი მაყურებლებს კომედიურ სერიალ Space Force-ს შესთავაზებს, რომლის შექმნაშიც ცნობილმა მსახიობმა, სტივ კარელმა მიიღო მონაწილება.

სერიალი სამი თვის წინ, იანვარში დაანონსდა.

.@SteveCarell will star in a new workplace comedy series he co-created with #TheOffice’s Greg Daniels about the people tasked with creating a sixth branch of the armed services: the Space Force! pic.twitter.com/6GEFNgP18w
— See What's Next (@seewhatsnext) January 16, 2019

აღსანიშნავია, რომ სერიალის თანაავტორი სტივ კარელთან ერთად გრეგ დენიელსიცაა, რომელსაც ისეთი ცნობილი სატელევიზიო შოუების შექმნაში მიუღია მონაწილეობა, როგორებიცაა The Simpsons, Parks and Recreation და The Office. მათ შორის ამ უკანასკნელში ერთ-ერთ მთავარ როლს სწორედ სტივ კარელი ასრულებდა, შესაბამისად ოფისის შემდეგ ეს მათი პირველი კოლაბორაცია იქნება.

ნეტფლიქსის ახალი სერიალი ამერიკის შეერთებული შტატების კოსმოსური ძალების დანაყოფში მომუშავე ადამიანების შესახებ მოგვითხრობს და სიუჟეტი მათ ირგვლივ განვითარებულ კომიკურ ისტორიებზე იქნება აგებული.

სტივ კარელი სერიალის თანაავტორთან ერთად ერთ-ერთი პერსონაჟის როლშიც მოგვევლინება. მასთან ერთად შოუში ასევე თამაშობენ ჯონ მალკოვიჩი და ლიზა კუდროუ.

სერიალის პრემიერა ნეტფლიქსზე 29 მაისს შედგება.