სულ ცოტა ხნის წინ ცნობილი გახდა, რომ ამერიკის კინოაკადემიის დაჯილდოვების 92-ე ცერემონიალზე, საერთაშორისო სრულმეტრაჟიანი ფილმის (იგივე უცხოენოვანი ფილმის) კატეგორიაში შვედეთის სახელით And Then We Danced წარსდგება. ფილმის რეჟისორი წარმოშობით ქართველი, შვედი რეჟისორი ლევან აკინია.

შვედეთის კინო ინსტიტუტი ოსკარის საერთაშორისო სრულმეტრაჟიანი ფილმის ნომინაციაზე გასაგზავნად სამ ფილმს განიხილავდა, ესენია:

  • And then we danced
  • Aniara
  • Quick

And then we danced ქართული კომპანიის Takes Film და შვედური კომპანიის French Quarter Film კოპროდუქციაა, რომლის პრემიერაც 16 მაისს კანის რიგით 72-ე კინოფესტივალზე გაიმართა. ფილმი კანის კინოფესტივალის Director’s Fortnight სექციაში, 25 ფილმს შორის მოხვდა.

ფილმი ახალგაზრდა მოცეკვავის, მერაბის ცხოვრების შესახებ გვიყვება, რომელიც რადიკალურად იცვლება, მას შემდეგ, რაც მას ამბიციური მეტოქე შეუყვარდება.

ფილმში მთავარ როლებს ქართველი მსახიობები: ლევან გელბახიანი, ბაჩი ვალიშვილი, ანა ჯავახიშვილი, გიორგი წერეთელი, თამარ ბუხნიკაშვილი და მარიკა გოგიჩაიშვილი ასრულებენ

ამავე თემაზე: