Why We Love Dogs, Eat Pigs, and Wear Cows: An Introduction to Carnism ავტორი, მელანია ჯოი კარნიზმისა და ცხოველების ხორცის ჭამის კუთხით, უახლოეს 50 წელიწადში მოსალოდნელი რეალობის შესახებ პროგნოზირებს:

წარმოიდგინეთ, რომ ერთ დღესაც იღვიძებთ და მანქანა, რომელიც თქვენს გონებას აკონტროლებდა, წყობიდანაა გამოსული. უეცრად ხვდებით, რომ ამ სრულიად განსხვავებულ სამყაროში, არა ძროხებს და ღორებს, არამედ კატებსა და ძაღლებს ჭამენ. ხედავთ დედას მოწყვეტილ ლეკვებსა და ზრდასრულ ცხოველებს, რომლებსაც ატყავებენ და ცოცხლად ხარშავენ.

მოგვიანებით ბრუნდები ჩვეულ გარემოში, შენს ოჯახში, სადაც სადილად სტეიკს ამზადებენ. ის რაც ცოტა ხნის წინ გაიაზრე, მშვიდად ცდილობ ოჯახის წევრებსაც გააგებინო. თუმცა, მიუხედავად იმისა, რომ ისინი კარგი ადამიანები არიან და არასდროს მოისურვებენ ცხოველების ტანჯვას, მათ შენი არ ესმით.

მათი პარაზიტული მიდგომა ცხოველების მიმართ ძალიან გამართულად აგრძელებს ფუნქციონირებას და უბრალოდ ვერ ხვდებიან, თუ რატომ არ უნდა ჭამონ ხორცი, კვერცხი, ან რძე. საბოლოოდ კატეგორიულად მოგიწოდებენ საკუთარი ფასეულობები სხვას არ მოახვიოთ თავს "შენ შენი არჩევანი გააკეთე, მე ჩემი არჩევანი მაქვს" ამბობენ ისინი.

კარნიზმი მსოფლიოში გაბატონებული იდეოლოგიაა, რომლის მიხედვითაც ადამიანებისთვის სრულიად მისაღებია ცხოველური პროდუქტის მოხმარება — განსაკუთრებით ხორცის.

ისევე, როგორც სექსიზმი ან რასიზმი, კანრიზმიც გლობალურ სისტემას წარმოადგენს, რომელსაც საზოგადოებაში ღრმად აქვს ფესვები გადგმული. და სხვა მჩაგვრელი სისტემებივით, კარნიზმიც ერთგვარი ფსიქოლოგიური თავდაცვის მექანიზმია, რომელიც საშუალებას არ გვაძლევს რაციონალურად გავიაზროთ ჩვენს მიერ ჩადენილი ქმედების სიმძიმე.

მაგალითად, კანრიზმი გვასწავლის, რომ ზოგიერთი ცხოველის ჭამა სავსებით ნორმალური, ბუნებრივი მოვლენაა და მათ მიმართ განსაკუთრებული სენსიტიურობის განცდას გვაკარგვინებს.

არაერთი მეცნიერული კვლევა ადასტურებს, რომ ცხოველები (მათ შორის თევზები და კიბოსნაირები) მგრძნობიარე, გონიერი არსებები არიან და მიუხედავად ამისა, ერთი საშუალო ამერიკელი წელწადში 100 კილოგრამამდე საქონლისა და ფრინველის ხორცს მოიხმარს.

$4,6-ტრილიონიანი ხორცის ინდუსტრიის შეჩერება გლობალური დათბობის შესაჩერებლად არასდროს ყოფილა სერიოზული განხილვის საგანი, მიუხედავად იმისა, რომ ბოლო წლებში დაჩქარებული კლიმატის ცვლილების პროცესში მას დიდი წვლილი მიუძღვის.

საბედნიეროდ გამოსავალი არსებობს: შეგიძლია გახდეთ ვეგანი. მხარი დაუჭიროთ ვეგანურ მოძრაობებს, მაშინაც კი თუ თქვენ ჯერ კიდევ ვერ ახერხებთ ცხოველურ პროდუქტებზე ბოლომდე უარის თქმას. მიიღეთ და გააზიარეთ ინფორმაცია, ხმამაღლა ისაუბრეთ ცხოველების მიმართ ჩადენილ, ძალადობრივ ქმედებებზე.

მჯერა, რომ 50 წლის შემდეგ სულ უფრო ბევრი ჩვენგანი გათავისუფლდება კარნიზმის პარაზიტული დამოკიდებულებისგან და როდესაც უკან მოვიხედავთ, გაგვიკვირდება კიდეც, თუ რატომ გავანადგურეთ ამდენი ცოცხალი არსება.