ბრაზილიაში ერთ-ერთი ციხის პატიმარმა გაქცევის საკმაოდ ორიგინალური ხერხი მოიფიქრა და ჩანაფიქრი თითქმის განახორციელა კიდეც.

საქმე ის არის, რომ 42 წლის კაცმა, რომელიც ციხეში ნარკოდანაშაულისთვის იხდიდა სასჯელს, ქალის ტანსაცმლითა და სილიკონის ნიღბის დახმარებით თავი საკუთარ ქალიშვილად გაასაღა და ციხიდან გაპარვა სცადა — დამნაშავე სწორედ იმ დროს შენიშნეს, როდესაც ის დაწესებულებას ტოვებდა.

ეს პირველი შემთხვევა არ არის, როცა სილვამ სასჯელის თავიდან არიდება და ციხიდან გაქცევა სცადა. 2013 წელს ის ერთ-ერთი იყო იმ ათეულობით პატიმრებიდან, რომლებმაც შენობიდან გასვლა კანალიზაციის მილით სცადეს.

ნახეთ ვიდეო, რომელიც შენიღბულ ბრაზილიელ პატიმარს ასახავს:

აღსანიშნავია, რომ კაცი სასჯელს განსაკუთრებულად მძიმე ნარკოდანაშაულისთვის იხდიდა და მას 73 წელი ჰქონდა მისჯილი.

მამისთვის ციხიდან გაქცევაში ხელშეწყობასა და დანაშაულში თანამონაწილეობისთვის პატიმრობა ემუქრება სილვას ქალშვილსაც.