The Man Who Fell to Earth (ადამიანი, რომელიც დედამიწაზე ჩამოვარდა) ნიკოლას როეგის 1976 წლის ფილმია, რომელშიც მთავარ როლს დევიდ ბოუი ასრულებს.

Variety-ის ცნობით CBS All Access-ზე ფილმის ტელე-ადაპტაცია გამოვა. ამ Sci-Fi კლასიკაში, რომელიც ვოლტერ ტევისის 1963 წლის ნოველის მიხედვით არის გადაღებული, დევიდ ბოუი უცხოპლანეტელის როლს თამაშობს, რომელიც თავს ადამიანად აჩვენებს, რათა თავისი მშობლიური პლანეტა გადაარჩინოს.

მიუხედავად იმისა, რომ სერიალის ქასთი ჯერ კიდევ უცნობია, სცენარისტებად და აღმასრულებელ პროდიუსერებად ალექს კურცმანი (Star Trek) და ჯენი ლუმეტი (Rachel Getting Married) მოიაზრებიან. კურცმანი შეიძლება რეჟისორადაც მოგვევლინოს.

Variety-ს მიხედვით კურცმანი და ლუმეტი ამბობენ, რომ სერიალი ფილმსა და ნოველაში განვითარებული ამბის "მომდევნო თავი" იქნება.

"რაღაც კავშირები იქნება ფილმსა და ნოველას შორის, მაგრამ თუ ფილმი არ გინახავთ ან ნოველა არ წაგიკითხავთ, არაუშავს", — ამბობს კურცმანი Variety-სთან საუბრისას.

სერიალის გამოსვლის თარიღი ჯერჯერობით უცნობია.