ჯორჯ მარტინის საკულტო საგის და HBO-ს ყველაზე მაღალრეიტინგული სერიალის ეპოქა დასრულდა. ოღონდ არამხოლოდ იმიტომ, რომ ფინალური სერია ვიხილეთ, იმიტომაც, რომ სერიალის რეიტინგი ძალიან, ძალიან დაეცა.

ფოტო: HBO

IMDb-ის მონაცემებით მერვე სეზონის არცერთ სერიას არ ჰქონია 8-ზე მაღალი რეიტინგი. ბოლო სერიის გამოსვლამდე, ყველაზე დაბალი შეფასება 5,9 მეოთხე სერიამ მიიღო. თუმცა, ფანების ყველაზე დიდი უკმაყოფილების მიზეზი ფინალური სერია გახდა, რომლის რეიტინგიც ამ ეტაპზე 4,9 არის.

ფოტო: HBO

ბოლო სერიის რეიტინგი თითქმის ორჯერ ნაკლებია ვიდრე პირველი სეზონის პირველი სერიის, რომელსაც 9,1 ქულა აქვს. ყველაზე მაღალი შეფასება 9,9 მთელ სერიალში 3 სერიას აქვს. მათ შორისაა მესამე სეზონის მე-9 სერია — კასტამერის წვიმა, მეოთხე სეზონის მე-8 სერია — ჰარდჰოუმის ბრძოლა და მეექვსე სეზონის მე-9 სერია — ბასტარდების ბრძოლა.