ცოტა ხნის წინ HP-მ ახალი ლეპტოპი Spectre Folio წარადგინა, რომლის კორპუსიც ტყავისგან იქნება დამზადებული. სიახლემ რამდენიმე კითხვა გააჩინა: ექნება თუ არა ლეპტოპს ტყავის სუნი? გაიცვითება თუ არა მარტივად? ხომ არ მიგვეწებება ზედ ხელი? და ბოლოს:

რამდენი ძროხა შეეწირება მის მასობრივ წარმოებას?

The Next Web-მა უხეშად გამოთვალა, რომ ლეპტოპის ზედაპირის სრული ფართობიდან (32 x 23.44 x 1.52სმ) ტყავით 1666,56სმ² ანუ 0,1666მ² იქნება დაფარული.

თუ გავითვალისწინებთ, რომ თითოეული ძროხისგან 4,75მ² ტყავს ღებულობენ, ერთი ძროხისგან 28,5 ლეპტოპი დამზადდება.

რაც შეეხება ლეპტოპების რაოდენობას: თუ მხედველობაში მივიღებთ HP-ს შარშანდელ გაყიდვებს "ტრანსფორმერი" ლეპტოპების კუთხით, შეგვიძლია ვივარაუდოთ, რომ წლის განმავლობაში კომპანია 480 000 სპექტრ ფოლიოს გაყიდის.

რამდენი ძროხა შეეწირება წარმოებას? 16 842

მაინც რამდენია 16 842 ძროხა?

  • გვერდიგვერდ ამდენი ძროხის განთავსება 25 კილომეტრის სიგრძის ხაზს შექმნიდა.
  • სიმაღლეში ეს იგივეა, რაც 1,66 ეიფელის კოშკი.
  • მათი საერთო წონა 12 126 240 კილოგრამი იქნებოდა, რაც 36,4 თვითმფრინავის ეკვივალენტია.
  • ამდენი ძროხისგან შემდგარი ნახირი რვა რაგბის მოედანს დაფარავდა.

რას ფიქრობთ HP-ის ამ გადაწყვეტილებაზე?