საფრანგეთში ჩრდილო-დასავლეთ სანაპიროს ქალაქის მერმა ადგილობრივ სანაპიროებზე ცურვა აკრძალა. ამის მიზეზი ცხვირბოთლა დელფინია, სახელად ზაფარი.

დელფინი ბავშვებს ართობდა და კაიაკერებთან ერთად დაცურავდა, თუმცა ოფიციალური პირები ვარაუდობენ, რომ ის მოცურავეებთან ახლო კონტაქტის დამყარებას ეცდება.

მერის თქმით, დელფინმა უკვე შეაშინა რამდენიმე დამსვენებელი:

"აკრძალვა მხოლოდ ადამიანების უსაფრთხოების დაცვითაა განპირობებული".

3 მეტრის სიგრძის დელფინის მიმართ მოსახლეობა დადებითად იყო განწყობილი, რადგან ის აგრესიული მოქმედებებით არ გამოირჩეოდა, თუმცა გასულ თვეში, მან მოცურავე ქალს ნაპირზე დაბრუნების უფლება არ მისცა და ის საბოლოოდ მაშველებმა გადაარჩინეს.

სპეციალისტების თქმით, დელფინმა შესაძლოა მოცურავეს უნებლიე ზიანი კუდით მიაყენოს.