ლეგენდარული ბრიტანელი მსახიობი, ჯოან კოლინზი დღესაც ერთ-ერთი ყველაზე მოთხოვნადი მსახიობია.

სერიალ დინასტიის შემდეგ ითამაშა ისეთ შოუებში, როგორიც არის ფეხბურთელების ცოლები და ცუდი გოგოები. აღსანიშნავია, რომ დინასტიის დროს სამსახიობო ანსამბლში ყველაზე მაღალი ანაზღაურება სწორედ მას ჰქონდა და ეპიზოდში $120 ათასს იღებდა.

გარდა ამისა, თითქმის ყოველ წელს გამოდის ახალი ფილმი მისი მონაწილეობით და თამაშობს რომელიმე სერიალში მიწვეულ მსახიობად. წერს წიგნებს, რომელთა გაყიდვებიდან მიღებული შემოსავალი რამდენიმე მილიონ დოლარს აჭარბებს და დღეს ერთ-ერთ ყველაზე მდიდარ ქალ მსახიობად ითვლება ბრიტანეთში. აქტიურია სოციალურ ქსელშიც და იყენებს ფეისბუქს, თვითერსა და ინსტაგრამს.

სულ მალე მსახიობს რაიან მერფის სერიალის American Horror Story-ის მერვე სეზონში ვიხილავთ.

წარმოგიდგენთ 10 საინტერესო ფაქტს ლეგენდარული მსახიობის შესახებ.

1. დინასტიაში მას შემდეგ მიიწვიეს, რაც სოფია ლორენმა ელექსისის როლზე უარი თქვა.

2. კოლინზი კარა დელევინის ნათლიაა

3. სანამ მსახიობი გახდებოდა, სურდა კერძო დეტექტივი გამოსულიყო.

4. არაერთი ბრენდის სახეა, მათ შორის არის სნიკერსიც.

5. 1983 წელს, 50 წლის ასაკში კოლინზი ფლეიბოისთვის გაშიშვლდა.