91 წლის ფილის რივმა 8 ათასი სათამაშო დათვი საკუთარი ხელით შექმნა და ობოლ ბავშვებს გადასცა.

სათამაშოები ფილისმა ძირითადად იმ ბავშვებს დაურიგა, რომლებმაც ტერორისტული აქტების და სხვადასხვა ბუნებრივი კატასტროფების დროს მშობლები დაკარგეს.

ფილისი ხელნაკეთ დათვებს მსოფლიოს გარშემო აგზავნის, მათ შორის ჩინეთში, ბელგიაში, ირლანდიაში და ა.შ.

"ბევრი ამბობს, რომ მე გმირი ვარ, თუმცა ეს ასე არ არის. ერთი ჩვეულებრივი მუშათა კლასის წარმომადგენელი ქალი ვარ, რომელიც ცდილობს ბავშვების ცხოვრება სულ ოდნავ მაინც უკეთესობისკენ შეცვალოს. იმედი მაქვს ჩემი ხელით შექმნილი თითოეული დათვი ბავშვებს გააღიმებს და წამით მაინც დაავიწყებს იმ ტრაგედიას რაც მათ დაატყდათ თავს", - ყვება ფილისი.