რამდენიმე თვის წინ გავრცელდა ინფორმაცია, რომ სამსუნგი თავის ახალ ფლაგმანს, Galaxy S9-ს CES-ის კონფერენციაზე წარადგენდა, თუმცა მოლოდინები არ გამართლდა. ცოტა ხნის წინ კი, ZDNet-თან საუბრისას სამსუნგის წარმომადგენელმა Dj Koh-მა დაადასტურა, რომ ახალ ტელეფონს თებერვლის ბოლოს, Mobile World Congress-ზე წარადგენს.

როგორი იქნება Galaxy S9?

ჭორებს თუ დავუჯერებთ, სამსუნგის მორიგ ფლაგმანს ბევრი განახლება უნდა ჰქონდეს. გავრცელებული ინფორმაციის თანახმად, Galaxy S9-ს ახალი პროცესორი, უფრო გრძელი კორპუსი და თითის ანაბეჭდისთვის შეცვლილი ადგილი ექნება. ასევე, პლუს მოდელებს ისეთი ექსკლუზიური მახასიათებლებიც ექნება, როგორებიააიცაა 6-გიგაბაიტიანი ოპერატიული მეხსიერება და ორმაგი კამერა.

კრიტიკოსები ამბობენ, რომ სამსუნგის მხრიდან პლუს მოდელის გამოშვება არ იქნება კარგი გადაწყვეტილება. სამსუნგი აქამდე ერთადერთი დიდი მწარმოებელი იყო, რომელიც ერთი და იმავე სერიის მოდელების მცირე ფლაგმანებს არ აწარმოებდა.

ასევე საინტერესოა რომელ პროცესორს აირჩევს სამსუნგი. როგორც წესი, კომპანია ამერიკისთვის QualComm Snapdragon-ის პროცესორს იყენებს, სხვა მსოფლიო ბაზრისთვის კი - საკუთარ Exynos-ს. ექსპერტების შეფასებით, ეს უკანასკნელი უკეთესად მუშაობს, ვიდრე QS.

სიახლეა ისიც, რომ Galaxy S9-ში რადიო დაბრუნდება. კომპანია NextRadio-სა და სამსუნგს შორის თანამშრომლობის ხელშეკრულება გაფორმდა. ამ თანამშრომლობის შედეგად, მობილურს FM-ის ჩიპი დაემატება, რომელიც მომხმარებლებს საშუალებას მისცემს რადიოს ინტერნეტის გარეშეც მოუსმინონ. თუმცა, რადიოსიხშირის დაჭერა, სავარაუდოდ, მხოლოდ ორ ქვეყანაში - ა.შ.შ-სა და კანადაში იქნება შესაძლებელი.

ჯერჯერობით უცნობია, რა ეღირება სამსუნგის ახალი ფლაგმანი, თუმცა ვარაუდობენ, რომ მისი ფასი 800-1000$-ის ფარგლებში იქნება.