Prime Video-მ გაავრცელა Spider-Noir-ის პირველი თრეილერი, ახალი სერიალის, სადაც ნიკოლას ქეიჯი ასრულებს იდუმალი ადამიანი-ობობას ალტერნატიულ ვერსიას. Spider-Noir მიმდინარე წლის 27 მაისს გამოვა.

კადრი თრეილერიდან

ფოტო: Amazon MGM Studios

თრეილერი გვაცნობს ქეიჯის გმირს, უიღბლო დეტექტივ ბენ რეილის, იგივე ქსელის მსროლელ Spider-Noir-ს. ქეიჯმა მანამდე გაახმოვანა Spider-Man Noir ანიმაციაში Spider-Man: Into the Spider-Verse, და მიუხედავად იმისა, რომ მისმა შესრულებამ პოპულარობა მოუტანა შავ პლაშში ჩაცმულ გმირს, Prime Video-ის სერიალი ეფუძნება Spider-Man Noir-ის კომიქსებს და Sony-ს ანიმაციურ ფილმთან არ არის კავშირში.

სიუჟეტი 1930-იანი წლების ნიუ-იორკში ვითარდება და ფოკუსირებულია ასაკში შესულ კერძო დეტექტივზე, რომელსაც უწევს შეეგუოს თავის წარსულს, პერიოდს, როცა ის ქალაქის ერთადერთი სუპერგმირი იყო. სერიალი გამოვა როგორც შავ-თეთრ, ისე ფერად ვერსიებში. თრეილერში ჩანს, როგორ დაქრის ქეიჯის გმირი ქალაქში, ხტება მანქანებიდან, სცემს კრიმინალებს ბარში და შემდეგ "უგონოდ თვრება".

Spider-Noir-ს Sony Pictures Television აწარმოებს ექსკლუზიურად MGM+-ისა და Prime Video-სთვის. პირველი ორი ეპიზოდის რეჟისორი და აღმასრულებელი პროდიუსერია ჰარი ბრედბირი (Fleabag, Killing Eve). სერიალი შეიქმნა Spider-Man: Into the Spider-Verse-ის ავტორებთან, ფილ ლორდთან, კრისტოფერ მილერთან და ემი პასკალთან თანამშრომლობით, რომლებიც ასევე არიან სერიალის აღმასრულებელი პროდიუსერები.

სერიალი Prime Video-ზე მაისში გამოვა.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…