მიმდინარე წლის მეორე კვარტლის მდგომარეობით McDonald's-ის (MCD) გლობალურმა გაყიდვებმა პროგნოზებს გადააჭარბა, რომლის მთავარ მიზეზადაც კომპანიის მხრიდან მომხმარებლებისთვის ხელმისაწვდომი მენიუების შეთავაზებები დასახელდა. ანალიტიკოსები ამბობენ, რომ კომპანიამ სწორად განსაზღვრა სამიზნე აუდიტორია და მომხმარებელს მათზე მორგებული საფასო კატეგორიის პროდუქტები შესთავაზა.

კომპანიის აღმასრულებელი დირექტორის, კრის კემპჩინსკის თქმით მიმდინარე წელს განსაკუთრებული აქცენტი დაბალი შემოსავლის მქონე მომხმარებელბეზე გააკეთეს. ამასთან, კომპანიამ მნიშვნელოვანი ძალისხმევა გასწია Gen Z-ზე ორიენტირებული კამპანიების დაგეგმვაში.

სწორედ ამ თაობაში პოპულარულ თამაშზე, Minecraft-ზე გადაღებული ფილმის კამპანიის წყალობით კომპანიამ მეორე კვარტალში მომხმარებელთა რაოდენობის ზრდა შეძლო. McDonald’s-მა აპრილში Minecraft-ის ფილმთან დაკავშირებული მენიუ 100 ქვეყანაში განათავსა და კომპანიას ისტორიაში ყველაზე მასშტაბური გლობალური კამპანიაც ჩაატარა. McDonald’s-ის განცხადებით, მისი სასაჩუქრე ფიგურები ორ კვირაზე ნაკლებ დროში სრულად გაიყიდა.

გარდა ამისა, როგორც ცნობილია, McDonald's აშშ-ის ასობით რესტორანში 10 ახალ სასმელსაც ტესტავს, რადგან ქსელი ცდილობს დააკმაყოფილოს Gen Z მომხმარებლების ინტერესები და სხვადასხვა კომბინაციის, მათ შორის გარეგნულად მიმზიდველი სასმელები შესთავაზოს.

ანალიტიკოსების თქმით, მაშინ, როდესაც Yum Brands და Chipotle მომხმარებლის შემცირებულ აქტივობას ებრძოდნენ, McDonald’s-მა საკუთარი ძლიერი მხარეები გამოიყენა — ყურადღება გაამახვილა იაფ შეთავაზებებზე, ნოსტალგიურ ელემენტებსა და მოკლევადიან აქციებზე.

შედეგებმაც არ დააყოვნა: 2025 წლის მეორე კვარტალში McDonald's-ის გაყიდვები მნიშვნელოვნად გაიზარდა. კომპანიამ $6.84 მილიარდის შემოსავალი მიიღო, რაც 5%-ით აღემატება წინა წლის ანალოგიურ პერიოდს და აჭარბებს ანალიტიკოსების პროგნოზებს.

აშშ-ში, რომელიც McDonald’s-ის ყველაზე დიდი ბაზარია, მეორე კვარტლის გაყიდვები 2.5%-ით არის გაზრდილი, მაშინ როცა ერთი წლის წინ ამ მონაცემის 0.7%-იანი ვარდნა დაფიქსირდა. იმ ქვეყნებში, სადაც რესტორნებს ადგილობრივი პარტნიორები მართავენ გაყიდვები 5,6%-ით გაიზარდა, რაშიც წამყვანი როლი იაპონიამ ითამაშა. საერთაშორისო ბაზრზებზე კი ზრდა 4%-ია, რასაც დიდ ბრიტანეთში, კანადასა და საფრანგეთში მოთხოვნის აღდგენამ შეუწყო ხელი.

მეორე კვარტლის მონაცემებით, კომპანიის წმინდა მოგება ერთ აქციაზე 3.19 დოლარია, როდესაც პროგნოზირებული მონაცემი 3.15 დოლარი იყო. ამჟამად კომპანიის ერთი აქციის ღირებულება 308.70 დოლარს უტოლდება, რაც წლის დასაწყისთან შედარებით 6.49%-ით არის გაზრდილი. ბოლო მონაცემებით, McDonald's-ის საბაზრო კაპიტალიზაცია 220.29 მილიარდი დოლარია.

თუ ინვესტირების დაწყება გსურს, უნდა იცოდე, რომ ამისთვის ერთ-ერთი საუკეთესო საშუალება თიბისის მობაილბანკია. აქვე გეტყვით იმსაც, რომ საინვესტიციო გადაწყვეტილების მიღებამდე სიღრმისეული კვლევის ჩატარებაა რეკომენდებული. გაითვალისწინე, რომ ეს არ არის ფინანსური რჩევა.

შემოგვიერთდი ჯგუფში ინვესტიციები — ვაჭრობა საფონდო ბირჟაზე და ერთად განვიხილოთ საინვესტიციო სიახლეები და მიმდინარე ამბები.