23 ივლისს თბილისში, დინამოს სტადიონზე ამერიკელი მომღერლის, ჯასტინ ტიმბერლეიკის კონცერტი ჩატარდა.

სოციალურ ქსელებში ვრცელდება ვიდეო, სადაც ჩანს, რომ ჯასტინ ტიმბერლეიკმა სცენაზე მსმენელის მიერ დადებული საქართველოს დროშა ხელში არ აიღო და მას თითქოს უხეშად გადაუარა ფეხით.

ვიდეომ სოციალურ მედიაში მალევე გამოიწვია ფართო გამოხმაურება – ბევრი ფანი და ინტერნეტმომხმარებელი ტიმბერლეიკის საქციელს უპატივცემულობად აფასებს. ნაწილი კი ამტკიცებს, რომ მომხდარი შემთხვევითი იყო და მომღერალს შესაძლოა დროშა უბრალოდ ვერ შეემჩნია.

ჯერჯერობით თავად ტიმბერლეიკს ან მის წარმომადგენლებს კომენტარი არ გაუკეთებიათ.

ფოტო: On.ge

რაც შეეხება ქართველ მსმენელს, ინციდენტთან დაკავშირებით მათი აზრი ორად გაიყო. ნაწილი ფიქრობს, რომ ამერიკელი მომღერლის ქმედება უპატივცემულობაა საქართველოსა და ქართული დროშის მიმართ.

ფოტო: On.ge

ნაწილი კი წერს, რომ ტიმბერლეიკის განზრახვა მასპინძელი ქვეყნის შეურაცხყოფა არ ყოფილა და ეს უბრალოდ შემთხვევითობა იყო.

ფოტო: On.ge

იხილეთ ასევე:

კონცერტვოშინგი — როგორ იყენებს ქართული ოცნება მსოფლიო ვარსკვლავებს პროპაგანდისთვის