34 წლის ნინა დობრევი სნოუბორდინგის ოლიმპიურ ჩემპიონზე, 36 წლის შონ ვაითზე დაინიშნა. როგორც ირკვევა, ვაითმა მსახიობს ხელი 5-კარატიანი ბეჭდით ნიუ-იორკში, რესტორან Golden Swan-ში სთხოვა.

შონ ვაითს შეყვარებულისთვის ხელის თხოვნის განსაკუთრებული გეგმა ჰქონდა. სნოუბორდერმა თავის პუბლიცისტს დობრევთან ოფიციალური წერილი გააგზავნინა, სადაც ეწერა, რომ მსახიობი Vogue-ს ვახშამზე იყო მიწვეული ანა ვინტურთან ერთად. როცა ნინა რესტორანში მივიდა, აღმოაჩინა, რომ იქ არავინ იყო ვაითისა და ფოტოგრაფის გარდა. "მან ყველა სწორი სიტყვა მითხრა," — აღნიშნავს დობრევი.

ფოტო: ANDREW ARTHUR

"შოკში ვიყავი. გავიყინე და მას ვაშტერდებოდი" — განუცხადა დობრევმა ჟურნალ Vogue-ს და აღნიშნა, რომ ხელის თხოვნა მისთვის მოულოდნელი აღმოჩნდა. იმ საღამოს წყვილმა ბედნიერება მეგობრებთან ერთად აღნიშნა და, როგორც დობრევი ჰყვება, ხიზილალისა და შამპანურის მირთმევის შემდეგ რესტორანში ბურგერები მიირთვეს.

ფოტო: ANDREW ARTHUR

დობრევი და ვაითი ერთმანეთს 2019 წლიდან ხვდებიან. კოვიდ-19-ის პანდემიის დროს ისინი ერთად გადავიდნენ საცხოვრებლად და მათი ურთიერთობის შესახებ საზოგადოებამაც ამ დროს შეიტყო.

ფოტო: ANDREW ARTHUR