ბაობაბის ხე სიცოცხლისა და გამძლეობის სიმბოლოდ ითვლება აფრიკაში. ის გავრცელებულია მშრალ ადგილებში და ცნობილია უნარით, შეინახოს დიდი რაოდენობით წყალი, რაც მას ხანგრძლივი გვალვებისგან იცავს.

ბაობაბი საკვების, თავშესაფრისა და ბუნებრივი რესურსების მიმწოდებელია ადამიანებისა და ველური ბუნებისთვის. მისი ხილის ნაყოფი ძალიან სასარგებლოა, ხშირად მას "სუპერსაკვებს“ უწოდებენ მაღალი C ვიტამინის შემცველობის, ანტიოქსიდანტების და ბოჭკოს გამო. კენიაში ბაობაბი მნიშვნელოვან როლს ასრულებს ეკოსისტემაში, მაგრამ, ამას გარდა, ის კულტურის ნაწილიცაა და მასზე ბევრი ცრურწმენაა გავრცელებული.

ადრე თუ ბაობაბის ხსენებაზე დაბადების დღის ცენტრი გვახსენდებოდა, დღევანდელ რეალობაში ის ბიძინა ივანიშვილთან ასოცირდება. როგორც ვიცით, მისი ასწლოვანი ბაობაბები გახმა, ერთი შეხედვით იფიქრებთ, არაპროფესიონალიზმთან გვაქვს საქმეო, მაგრამ თავად ის ამ ყველაფერს უფრო საკრალურ დანიშნულებას აძლევს და "გათვალვას აბრალებს".

ამ სტატიაში იმ ცრურწმენებს გაგაცნობთ, რომლებიც ბაობაბებთანაა დაკავშირებული.

1. სულებისა და წინაპრების საცხოვრისი

მიიჩნევენ, რომ ბაობაბის ხეები სავსეა წინაპრების სულებით და ხის "შეწუხება" უბედურების მომტანია.

ფოტო: tenor

შეიძლება ბიძინა ივანიშვილს ამის შესახებ ინფორმაცია სულაც არ ჰქონდა და მისთვის არავის აუხსნია "შეწუხება" რას ნიშნავს.

2. ბაობაბის მოჭრა

ფიქრობენ, რომ ბაობაბის მოჭრა მძიმე უბედურებას ან სიკვდილს მოიტანს.

ფოტო: tenor

ვფიქრობთ, ამოთხრა და გახმობა მოჭრის ეკვივალენტია და ბატონ ბიძინას ვურჩევთ ამ საკითხს ჩაეძიოს.

3. ბაობაბის ყვავილის მოწყვეტა

გავრცელებულია ცრურწმენა, რომ ვინც ბაობაბის ყვავილს მოწყვეტს, მას ლომები შეჭამენ.

ფოტო: tenor

შეიძლება ზუსტად ამის გამო ჰყავს ბიძინა ივანიშვილს ამდენი ზებრა.

4. თავდაყირა ბაობაბი

აფრიკის ზოგიერთ ქვეყანაში ითვლება, რომ ღმერთებმა თავდაყირა დარგეს ბაობაბი, რაც მის უნიკალურ ფორმას განსაზღვრავდა.

ფოტო: tenor

ნეტა, გასასწორებლად პირიქით ხომ არ დარგეს და მაგიტომაც გახმა?

5. ბაობაბის თესლები

ამბობენ, რომ ბაობაბის თესლებით გაჯერებული წყლის დალევა ბოროტი სულებისგან გვიცავს.

ფოტო: tenor

ეს ალბათ იმ შემთხვევაში მუშაობს, შენ თვითონ თუ არ ხარ ბოროტი სული.

6. ბაობაბზე ასვლა

ზოგიერთ კულტურაში ბაობაბის ხეზე ასვლა უპატივცემულობად ითვლება და ამას წყევლაც კი მოჰყვება.

ფოტო: tenor

ასასვლელად უფრო ტყემლის ხეს ვურჩევდით.

7. ბაობაბის დარგვა

განსხვავებით მოჭრისგან, ბაობაბის დარგვა წარმატების, კარგი ბედისა და კურთხევის მომტანია.

ფოტო: tenor

ვიმეორებთ, დარგვა და არა გადარგვა!

8. ბაობაბის გადარგვა

ფოტო: georgianjournal

ლეგენდის თანახმად, ბაობაბის გადარგვა უიღბლობას იწვევს. თუ გაგთვალეს და გადარგვისას ხე გახმა, არჩევნების წაგებაც იცისო, ამბობენ.