მითის თანახმად, კატებს ცხრა სიცოცხლე აქვთ და როგორც ჩანს, ამ ცხრა სიცოცხლეში ხანგრძლივ მოგზაურობასაც ასწრებენ.

იელოუსტოუნის ეროვნულ პარკში დაკარგულმა კატამ პატრონებთან დასაბრუნებლად 1287 კილომეტრი გაიარა, ამის შესახებ ინფორმაციას ბრიტანული გამოცემა, The Guardian ავრცელებს.

კატა, სახელად რეინბოუ, სიუზენ და ბენი ანჯიანოს წყვილს ივნისში, იელოუსტოუნის ეროვნულ პარკში ლაშქრობისას დაეკარგათ.

რეინბოუ ცხოველთა დაცვის ჯგუფმა 2 თვის შემდეგ, კალიფორნიაში, როუზვილში, იელოუსტოუნის ეროვნული პარკიდან 1287კმ-ის მოშორებით იპოვა.

ფოტო: The Guardian

"ჩვენ მის გარეშე მოგვიწია წასვლა, ეს იყო ყველაზე მძიმე დღე, რადგან ვგრძნობდი, რომ მას ვკარგავდი", — თქვა სიუზენ ანჯიანომ ერთ-ერთ ინტერვიუში.

ხანგრძლივმა მოგზაურობამ კატაზე მაინც იმოქმედა, მიუხედავად დიდი თავგადასავლისა, დაკარგვამდე ის 8 კგ-ს იწონიდა, ხოლო როდესაც იპოვეს, მხოლოდ 3-ს.