ინტერნეტი ახალმა ცხელ-ცხელმა ჭორმა მოიცვა — სოციალურ ქსელებში გავრცელდა ფოტო, რომელშიც ტრევის კელსის პიარ სააგენტოს, Full Scope-ის დოკუმენტია ასახული.

ფოტოზე ვკითხულობთ, რომ ტეილორ სვიფტი და ტრევის კელსი დაშორების ინფორმაციის გაზიარებას 2024 წლის 28 სექტემბერს გეგმავენ, რის გამოც კელსის გუნდმა შესაბამისი მედია სტრატეგია შეიმუშავა. კონტრაქტი საკმაოდ დამაჯერებლად გამოიყურება, თუმცა სვიფტის ერთგულმა ფანებმა მის სანდოობაში მაშინვე შეიტანეს ეჭვი.

დოკუმენტის სახელია "ტრევის კელსის საზოგადოებასთან ურთიერთობის გეგმა ტეილორ სვიფტთან დაშორების შემდეგ" და მისი მთავარი მიზანი "ზიანის ეფექტურად მართვა და საზოგადოების დამოკიდებულების შერბილებაა", რათა კელსიმ "შეინარჩუნოს პოზიტიური საჯარო იმიჯი, მის შესახებ ნეგატიური მედია გამოხმაურება მაქსიმალურად შემცირდეს და უხარვეზოდ გაგრძელდეს მისი პირადი და პროფესიონალური ბრენდის შენება."

სოციალურ ქსელებში გავრცელებული ფოტო

ფოტო: X/ Twitter

ამ ბრალდებას Full Scope მალევე გამოეხმაურა. მათი წარმომადგენლის თქმით, "ეს ფოტოები სრულიად ყალბი და ხელოვნურად შექმნილია და ჩვენი სააგენტოს მიერ არც შექმნილი, არც დაბეჭდილი და არც ავტორიზებულია. ჩვენი ადვოკატთა გუნდი აუცილებლად მიღებს შესაბამის ზომებს ამ უკანონო ქმედებაზე პასუხისმგებელი ინდივიდის ან ჯგუფის წინააღმდეგ."

ფოტო: John Shearer / Getty Images

სოციალურ ქსელებში ტეილორ სვიფტისა და ტრევის კელსის ურთიერთობის შესახებ სპეკულაცია არ წყდება. ბევრის აზრით, ეს კონტრაქტი ნამდვილია და სააგენტოს განცხადება ფანების ბრაზის თავიდან ასარიდებლად მიღებული ზომაა. სვიფთან რომანტიკული ურთიერთობის გასაჯაროვების შემდეგ კელსის ქონება $331 მილიონით გაიზარდა, რასაც ფანები დიდწილად სვიფტის მეგავარსკვლავის სტატუსს უკავშირებენ, ამიტომ, ცხადია, მომღერალთან დაშორების შემდეგ მოსალოდნელი ნეგატიური პრესა მის პოზიციას ნამდვილად დააზარალებს.