ბილი აილიში ახლახან Variety-ის გარეკანზე მოხვდა და გამოცემასთან ვრცელი ინტერვიუც ჩაწერა. Variety-თან ინტერვიუში 21 წლის მომღერალმა საკუთარი სექსუალური ორიენტაციისა და სხვა ისეთი საკითხების შესახებ ისაუბრა, რომლებიც ბილი აილიშის გულშემატკივრებისთვის აქამდე ცნობილი არ იყო. ბილი აილიშმა სხვა ქალებთან ურთიერთობასა და თავის ცხოვრებაში ქალების როლზეც ისაუბრა.

"ქალები პიროვნულად ძალიან მიყვარს და მიზიდავს კიდეც. მეგობარ და ოჯახის წევრ ქალებთან ძალიან ღრმა კავშირები მაქვს. ქალები ფიზიკურადაც მიზიდავს, მაგრამ მათი სილამაზე და მათთან სიახლოვე მაშინებს ", — ამბობს ბილი აილიში.

ფოტო: Variety

ბილი აილიშმა სექსუალური ორიენტაციის გარდა, ახალ ინტერვიუში ფემინურობის შესახებაც ისაუბრა. როგორც მომღერალი აღნიშნავს, წლების განმავლობაში გრძნობდა, რომ სხვა გოგოებისგან განსხვავდებოდა.

"სიმართლე რომ გითხრათ, თავი ქალად არასდროს მიგრძნია. ასევე, არასდროს მიგრძნია, რომ სასურველი ან ფემინური ვარ. ბოლოს საკუთარი თავის იმაში დარწმუნება დამჭირდა, რომ ლამაზი გოგო ვარ". — დასძინა ბილი აილიშმა.

შეგახსენებთ, რომ ბილი აილიში მაისში მუსიკოს ჯესი რეზერფორდს დაშორდა, რომელსაც 7 თვის განმავლობაში ხვდებოდა. სხვადასხვა გამოკითხვისას კი, მომღერალმა მისი ფავორიტი ცნობილი ვარსკვლავი ქალებიც დაასახელა. ინსტაგრამის ერთ-ერთ გამოკითხვაში ბილი აილიშმა განაცხადა, რომ მსახიობებს შორის ამჟამად Stranger Things-ის ვარსკვლავი მაია ჰოუკი მოსწონს. 2021 წლის ერთ-ერთ ინტერვიუში კი ბილი აილიშმა აღნიშნა, რომ Killing Eve-ის მსახიობი ჯუდი კომერი გამორჩეულად მოსწონდა.