10 რამ, რითაც შეგიძლია შემოდგომით თავი შეიქციო
შენი არ ვიცი, მაგრამ ჩემთვის შემოდგომა წლის საუკეთესო სეზონია. ყველაზე ლამაზი და ფერადოვანი რომ არის, ამაზე, მგონი, დავაც არ ღირს. მაგრამ ესთეტიკური სიამოვნების მიღებასთან ერთად, კიდევ უამრავი რამ არსებობს, რითაც ოქროსფერ შემოდგომაზე შეგიძლია თავი შეიქციო და ამ სეზონის მთელი ხიბლი შეიგრძნო.
აი, მაგალითად...
1. დილით ადრე გაღვიძება
იტყვი, ისედაც ყოველდღე ადრე ვიღვიძებო, მაგრამ ამას არ ვგულისხმობ. დილით, როგორც წესი, ვჩქარობთ ხოლმე — სასწავლებელში ან სამსახურში გავრბივართ. ამ სიჩქარეში ხშირად ვერ ვამჩნევთ, რამდენად გამორჩეულია შემოდგომის დილა — მზის პირველი ოქროსფერი სხივებით, ნისლითა და ჩამოცვენილი ფოთლებით, რომლებიც მეეზოვეს ჯერ არ დაუხვეტია. ნუ იჩქარებ, კარგად დააკვირდი ყველაფერს და დილის გრილი ჰაერიც ხარბად შეისუნთქე.
2. ფოთლების შეგროვება
თუ ჩამოცვენილ ფოთლებს მართლაც მანამდე მიუსწარი, სანამ მეეზოვე დახვეტს, შეგიძლია, ბავშვობა გაიხსენო და ზუსტად ისე შევარდე გროვაში, როგორც წინათ. დამიჯერე, სიხარულს ძველებურად იგრძნობ. ეგეც რომ არა, შემოდგომით სხვადასხვა ფორმისა და ფერის ფოთლების შეგროვება შეგიძლია, რომელთაც შემდეგ წიგნის ფურცლებს შორის შეინახავ.
3. ფოტოსესიის მოწყობა — გინდ გარეთ და გინდ შინ
ფოთოლცვენა განსაკუთრებით ლამაზი ქარის ან ოდნავ ძლიერი ნიავის დროსაა — სასწაულად მომხიბვლელი ფოტოები და ვიდეოები გამოდის მაშინ. ამასთან, თუკი სათანადოდ შეარჩევ სამოსს გარდერობიდან, შეუდარებელი კონტრასტის ფოტოებს გადაიღებ და საკუთარი ინსტაგრამის გადახალისებასაც შეძლებ.
გარეთ დიდხანს გასვლას თუ ვერ ახერხებ, არც მაგაზე დაიწყვიტო გული. შემოდგომის ნობათით ზუსტად იმდენადვე შთამბეჭდავი ნატურმორტები გამოდის, როგორც პეიზაჟები. ამისთვის შეგროვებული ფოთლების გამოყენებაც შეგიძლია.
4. საშემოდგომო კულინარია
თუკი გარეთ ისეთი ქარი ან წვიმაა, რომ ფოთლების შესაგროვებლადაც კი არ გაისვლება, შინ მაინც უამრავი საქმე შეიძლება გამოიჩინო. ამ სეზონს განსაკუთრებულად უხდება წვნიანები — მით უმეტეს, როცა გარეთ უკვე აცივდა და შენ ჯერ გათბობის ჩართვა არ გინდა. ახალ-ახალი გემრიელობების მომზადება საშემოდგომო ხილით და ბოსტნეულითაც შეგიძლია. აი, გოგრის ნამცხვარზე რას იტყვი, მაგალითად? თუ საკმარისად მოღუშული ამინდია, ცხელი სასმელებიც ხომ მისწრებაა!
5. საშემოდგომო ფლეილისტის შედგენა
სასუსნავების მზადებისთვის ან ოქროსფერ ხეივანში სეირნობისთვის აუცილებლად დაგჭირდება შესაფერისი განწყობის შექმნა. აი, ეს კი მუსიკას მიანდე. მუსიკის აღქმა ხომ ინდივიდუალურია — ჰოდა, შენც დამოუკიდებლად და გულდასმით შეარჩიე სიმღერები, რომლებიც საშემოდგომო განწყობას გიქმნის. მე, მაგალითად, შემოდგომაზე ტეილორ სვიფტის რომელიმე ალბომის თავიდან ბოლომდე მოსმენას არაფერი მირჩევნია.
6. ბაღში ფუსფუსი
და მაინც — შემოდგომის მთავარი ხიბლი მისი ნობათია. თუკი სახლთან ახლოს ბაღი გაქვს, ხომ გადასარევი, თუმცა, სხვა შემთხვევაში შეგიძლია, სოფლად წახვიდე და რთველში ჩაერთო, მაგალითად. მოსავლის აღება-დაბინავებაში მონაწილეობა კი შეიძლება დამღლელად ჟღერდეს, მაგრამ ბაღში ფუსფუსს და მიწასთან ურთიერთობას თერაპიული ეფექტიც კი აქვს.
7. ხატვა ბუნებაში
ა, კიდევ რა შეგიძლია გარეთ, სანამ თბილა? ხატვა! ოღონდ, მართლა არანაირი მნიშვნელობა არ აქვს, როგორ ხატავ. ბაღში ფუსფუსის არ იყოს, ესეც ერთგვარი თერაპიაა და შემოდგომის თბილ დღეს მოლბერტით ან ბლოკნოტით პარკში გასვლა იმაზე საინტერესო შეიძლება აღმოჩნდეს, ვიდრე გგონია. დახატე არა ის, რასაც ხედავ, არამედ ის — რასაც გრძნობ. მოგონებები ხომ უმთავრესად სწორედ შეგრძნებებს უკავშირდება. შენც ასე შეძლებ, წლევანდელი შემოდგომა აღბეჭდო ფურცელზე და საკუთარ მეხსიერებაშიც.
8. საშიში ისტორიების კითხვა
როცა მთელი დღის დაღლილ-დაქანცული შინ მიხვალ და გართობის საშუალებების ძებნას დაიწყებ, დიდი ალბათობით, გარეთ უკვე გვარიანად აცივებული იქნება. ჰოდა, შეგიძლია, დივანზე მოკალათდე, პლედი ფეხებთან შემოიკეცო და საშინელებათა ჟანრის რომელიმე ნაწარმოების კითხვა დაიწყო. შემოდგომას, განსაკუთრებით კი ოქტომბერს, არცერთი სხვა ჟანრი ასე ძალიან არ უხდება.
9. მელანქოლიური ფილმების ყურება
აი, კითხვით თუ მოიწყენ, ან უქმეებზე სხვაგვარ თავშესაქცევს მოისურვებ, მაშინ ზაფხულის ბოლოსთვის გადადებულ ფილმებს შეგიძლია მიუბრუნდე. ზაფხულის მიწურულსაც და შემოდგომასაც ერთნაირი, მელანქოლიური განწყობა აქვთ და მსუბუქი რომანტიკული კომედიები ორივე დროს სასიამოვნო საყურებელია.
10. მოგზაურობა
დაბოლოს — არ დაგავიწყდეს, რომ არათუ სამყარო, შენი ქვეყანაც კი იმაზე მეტ აღმოჩენას გიმზადებს, ვიდრე წარმოგიდგენია. მერე რა, თუ საშემოდგომო შვებულების გატარებას პარიზში ვერ მოახერხებ. მე თუ მკითხავ, ფოთოლცვენის სეზონზე პარიზი სილამაზით ვერც საბადურის ტყეს შეედრება და ვერც — ბატეთის ტბას. ამიტომ, უქმეების ქალაქგარეთ გატარება აუცილებლად მიამატე სურვილების სიას.
-
გადახედვაშაქრო კალაშოვმა ციხე დატოვა შაქრო კალაშოვმა ციხე დატოვა
-
გადახედვასუს-მა, ქრთამის აღების ფაქტზე, ჯანდაცვის სამინისტროს სსიპ-ის 3 ყოფილი თანამშრომელი დააკავა სუს-მა, ქრთამის აღების ფაქტზე, ჯანდაცვის სამინისტროს სსიპ-ის 3 ყოფილი თანამშრომელი დააკავა
-
-
გადახედვაბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს ბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს
-
გადახედვაOn.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ On.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ
-
გადახედვაკალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის კალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
კომენტარები