ასი წლის სიცოცხლე, რასაც ბევრი ჩვენგანი ნაკლებად სავარაუდოდ თვლის, 36525 დღეა. თუმცა არიან გამონაკლისები, რომლებიც 100 წელზე მეტ ხანსაც კი ცხოვრობენ. 12 ივლისს ამერიკელ ჯერალდ მილსს 104 წელი შეუსრულდა და მისმა ვაჟმა გადაწყვიტა, რომ მამისთვის განსაკუთრებული საჩუქარი გაეკეთებინა.

104 წლის კაცის შვილმა ტვიტერზე პოსტი გამოაქვეყნა და თავის გამომწერებს სთხოვა, რომ მამისთვის დაბადების დღე მიელოცათ. თუმცა ის არ ელოდა, რომ პოსტს ძალიან დიდი გამოხმაურება ექნებოდა და ჯერალდს დაბადების დღეს 68 ათასამდე ადამიანი მიულოცავდა.

ტვიტერის მომხმარებლებმა ჯერალდს დაბადების დღე თავიანთ ფოტოებთან ერთად მიულოცეს. ზოგი მისალოც ტექსტთან ერთად თავისი ბებიისა და ბაბუის ფოტოს აქვეყნებდა, ზოგიც კი პატარა ბავშვებისა და შინაური ცხოველების. სოციალური ქსელების მომხმარებლებმა ჯერალდს დიდი ხნის სიცოცხლე უსურვეს, მათმა ნაწილმა კი იხუმრა კიდეც, რომ ბებიებს პაემანზე წასვლა შესთავაზეს.


სტატიაში რამდენიმე მილოცვის ტექსტსა და ფოტოს გთავაზობთ:

"დაბადების დღეს გილოცავ, ჯერალდ. დედაჩემი შემდეგ თვეს 96 წლის ხდება. შენთვის ცოტა ახალგაზრდა ხომ არის არის?", — Esky_Yooper.

"გილოცავ დაბადების დღეს, ჯერალდ. ეს ჩემი შვილი ფლორაა, რომელიც 12 კვირით ადრე დაიბადა და 3 თვის ახლა გახდა. იმედია, ისიც 104 წლამდე მიაღწევს", — Adam Hill.


"გილოცავ დაბადების დღეს, ჯერალდ! ჩემს ბაბუას 100 წელი გუშინ შეუსრულდა", —TTtootoxic

ასე რომ, ინტერნეტის მეშვეობით ჯერალდს დაბადების დღე იმაზე მეტმა ადამიანმა მიულოცა, ვიდრე წინა 103 იუბილეს დროს.