CNBC-ის წამყვანი და ანალიტიკოსი, ჯიმ კრამერი ინვესტორებს კოკა-კოლას აქციებით დაინტერესებისკენ მოუწოდებს. მისი თქმით, მაღალი ინფლაციის მიუხედავად, კომპანიას კარგი მაჩვენებლები აქვს და ის თანმიმდევრულად იზრდება. ამასთან, კრამერი კოკა-კოლას ზრდას ელოდება.

გადაცემა Mad Money-ის წამყვანი იმ მიზეზსაც ასახელებს, რომელთა გამოც ინვესტორები კომპანიის აქციებით უნდა დაინტერესდნენ.

მისი თქმით, უპირველესად ამის მიზეზი ის არის, რომ კომპანია რეცესიას უმკლავდება, რადგან ეკონომიკური სირთულეების მიუხედავად ხალხი ამ პროდუქტს მაინც ყიდულობს.

"ეს არის კომპანია, რომელიც აკეთებს რეალურ საქმეს, იღებს მოგებას და მას აქციონერებს დივიდენდების სახით უბრუნებს" — კრამერი.

კრამერის თქმით, კოკა-კოლა ეკონომიკის გახსნითაც ისარგებლებს, რადგან პოსტპანდემიურ პერიოდში სახლიდან გამოსული მოსახლეობა, რომელიც კაფეებსა და რესტორნებს ესტუმრება, მათ შორის, ამ სასმელსაც შეუკვეთს.

CNBC-ის წამყვანმა კომპანიის გეგმებზეც ისაუბრა. როგორც ცნობილია, კოკა-კოლა ალკოჰოლური სასმელების მიმართულებით წარმოების ზრდასაც გეგმავს. უფრო კონკრეტულად, მან ივნისში ჯეკ დენიელსის მწარმოებელ ფირმასთან, Brown-Forman-თან თანამშრომლობის შესახებ განაცხადა. Jack-and-Coke — სავარაუდოდ, ასე ერქმევა ახალ სასმელს. გარდა ამისა, კომპანიამ უკვე ჩაუშვა Topo Chico Hard Seltzer და Simply Spiked Lemonade-ის წარმოება.

მიმდინარე წლის პირველ კვარტალში კომპანიამ შემოსავლებისა და მოგების მიმართულებით უოლ სტრიტის მოლოდინებს გადააჭარბა. თუმცა, იმავდროულად აღმოჩნდა, რომ გაეზარდა ხარჯები ნედლეულზე — ალუმინზე, სიმინდის სიროფსა და პლასტმასაზე. ამასთან, უნდა ითქვას, რომ ამ მასალებზე ბოლო თვეების განმავლობაში ფასების შემცირებაც შეინიშნება.

რაც შეეხება კომპანიის ფასიან ქაღალდებს: მიმდინარე წლის დასაწყისთან შედარებით, კომპანიის აქციების ღირებულება 6%-ით არის გაზრდილი. ამჟამად კოკა-კოლას ერთი აქცია 62,87 დოლარად ივაჭრება. ბოლო მონაცემებით, მისი საბაზრო კაპიტალიზაცია 272,5 მილიარდი დოლარია.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.