Apple-მა (AAPL) 2022 წლის მეორე ფისკალური კვარტლის შედეგები გამოაქვეყნა. ანგარიში აჩვენებს, რომ კომპანიამ ანალიტიკოსების მოლოდინებს გადააჭარბა. მიუხედავად მიწოდების ჯაჭვში არსებული პრობლემებისა, კომპანიამ ნავარაუდევზე მეტი რაოდენობის შემოსავლები აჩვენა.

ასეთია კომპანიის ფინანსური მაჩვენებლები:

  • ჯამური შემოსავლები — $97,3 მილიარდი, ნავარაუდევი $93,98 მილიარდის ნაცვლად;
  • iPhone-ის შემოსავალი — $50,57 მილიარდი, $49,16 მილიარდის ნაცვლად;
  • Mac-ის შემოსავალი — $10,44 მილაირიდ, $7,19 მილიარდის ნაცვლად;
  • iPad-ის შემოსავალი — $7,65 მილიარდი, $7,19 მილიარდის ნაცვლად;
  • Wearables-ის შემოსავალი — $8,81 მილიარდი, $8,98 მილიარდის ნაცვლად;
  • სერვისიდან მიღებული შემოსავალი — $19,82 მილიარდი, $19,78 მილიარდის ნაცვლად.

კომპანიის მიერ ანგარიშის მიერ გამოქვეყნებული შემდეგ, მისი აქციების რაოდენობა მნიშვნელოვნად არ შეცვლილა. აქვე უნდა ითქვას, რომ Apple-ის მიერ გამოქვეყნებული მაჩვენებლების ფონზე ანალიტიკოსების მოლოდინები ვერ გაამართლეს ტექ-კომპანიებმა — მათ შორის: Netflix (NFLX), Meta (FB).

"აღნიშნული კვარტლის რეკორდული მაჩვენებლები მოწმობს, რომ Apple ფოკუსირებულია ინოვაციებსა და სურვილზე, შევქმნათ საუკეთესო პროდუქტები და სერვისები მსოფლიოში" — ამბობს კომპანიის აღმასრულებელი დირექტორი ტიმ კუკი.

მიმდინარე წლის დასაწყისში Apple-თვის უმთავრეს პრობლემად მიწოდების ჯაჭვში არსებული პრობლემები სახელდებოდა. განსაკუთრებით ეს პრობლემა iPad-ის მიწოდების საკითხებს შეეხო. ამის გათვალისწინებით, კომპანიამ შეძლო და იმაზე მეტი შემოსავლები მიიღო, ვიდრე ამას ანალიტიკოსები მოელოდნენ.

Apple მსოფლიოს უმსხვილესი კომპანიაა. მისმა საბაზრო კაპიტალიზაციამ მიმდინარე წელს 3 ტრილიონ დოლარსაც მიაღწია. ამჟამად კომპანიის ერთი აქციის ღირებულება 161,24 დოლარს უტოლდება.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.