ილონ მასკმა Twitter 44 მილიარდ დოლარად იყიდა. როგორც ირკვევა, გადაწყვეტილება მიღებულია და Twitter-ის მასკის მფლობელობაში გადასვლის პროცესი, სავარაუდოდ, სამიდან ექვს თვემდე გაგრძელდება და მიმდინარე წლის ბოლომდე დასრულდება.

კომპანიის პრესრელიზის მიხედვით, Twitter კერძო კომპანია გახდება და მისი ამჟამინდელი აქციონერები ერთი აქციის სანაცვლოდ 54,2 დოლარს მიიღებენ.

აღსანიშნავია, რომ მასკმა რამდენიმე კვირის წინ Twitter-ის 9,2%-იანი წილი შეიძინა, კომპანიის მთავარი აქციონერი გახდა და დაეთანხმა პირობას, რომ საკუთარ აქციებს 14,9%- ზე მეტად არ გაზრდიდა. ამის სანაცვლოდ, მას კომპანიის ბორდში ადგილი შესთავაზეს. რამდენიმე დღის შემდეგ კი ცნობილი გახდა, რომ მასკმა უარი განაცხადა, შეერთებულიყო კომპანიის ბორდს, რამაც გააჩნინა ვარაუდები, რომ ის კომპანიაში საკუთარი აქციების რაოდენობას გაზრდიდა. მოგვიანებით მასკმა Twitter-ის სრულად შესყიდვასთან დაკავშირებით განაცხადი გააკეთა.

მასკის ამბობს, რომ კომპანიის გაუმჯობესებას ახალი პროდუქტების დამატებით, სანდოობის გაზრდითა სხვა არაერთი სიახლის საშუალებით აპირებს. მისივე განცხადებით, პლატფორმას უზარმაზარი პოტენციალი აქვს.

მე მსურს Twitter გავხადო იმაზე უკეთესი, ვიდრე ოდესმე ყოფილა

ილონ მასკი

Twitter-ის დამფუძნებელი, ჯეკ დორსი მასკის მიერ კომპანიის შესყიდვას მიესალმება. "მასკი Twitter-თვის ერთადერთი გამოსავალია" — ამბობს ის.

Tesla-ის ინვესტორი, როს გერბერტი ამბობს, რომ ახლა მასკი იმაზე მეტად ძლიერია, ვიდრე ზოგიერთი ქვეყანა. სოციალური ქსელების გიგანტი კომპანიის შეძენის შემდეგ ილონ მასკის ძალაუფლება მართლაც კიდევ უფრო იზრდება.

როგორც ცნობილია, მასკი მსოფლიოში ყველაზე მდიდარი ადამიანია. Bloomberg-ის მიხედვით, მისი ქონება 257 მილიარდ დოლარად არის შეფასებული. Forbes-ის ბოლო მონაცემებით კი, ილონ მასკი 242,8 მილიარდ დოლარს ფლობს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.