უსახლკარო ადამიანები აუცილებელი საჭიროებების დასაკმაყოფილებლად იმდენ სირთულესა და წინააღმდეგობას აწყდებიან, რომ იმას, ვისაც იგივე არ გამოუვლია, ამის წარმოდგენაც კი გაუჭირდება. ისეთი ყოველდღიური მოთხოვნილებები, როგორებიცაა: კვება, თავის მოვლა და ძილი, საცხოვრებლის გარეშე ფუფუნების სფერო ხდება.

Reddit-ის მომხმარებელმა, ვინმე u/hayz00s-მა, მიუსაფარ ადამიანებს სთხოვა, გაეზიარებინათ მისთვის წესები, რომელთა საშუალებითაც სიცოცხლესა და გადარჩენას ახერხებენ. პასუხები ერთმანეთზე უფრო მოულოდნელი და გულისამაჩუყებელი აღმოჩნდა, რაც კიდევ ერთხელ შეგვახსენებს, რომ თუ ამის შესაძლებლობა გვაქვს, ყოველთვის დავეხმაროთ ადამიანებს, რომლებსაც შველა სჭირდებათ.

ესეც უსახლკაროდ დარჩენილი ადამიანების 18 დაუწერელი წესი:

1. "თუ ნაგავსაყრელში ჩაძრომისას წყვილ ფეხსაცმელს ან ტანსაცმელს იპოვით და ისინი თქვენი ზომის არ აღმოჩნდება, დატოვეთ ის იმავე ადგილას, სხვა ვინმეს გამოადგება"

—u/T0mmygun.

2. "არ ითხოვო მოწყალება იქ, სადაც უკვე სხვები ითხოვენ დახმარებას"

—u/theriddler41

3. "გაეცით, რაც გაქვთ. რასაც გასცემთ, ის დაგიბრუნდებათ"

—u/theriddler41

4. "გაუფრთხილდით ერთმანეთს. ჩვენ ყველანი ყოველდღიურად ვიბრძვით გადარჩენისთვის. როცა სახლი არ მქონდა, მაინც ვუზიარებდი სხვებს ტანსაცმელს, საკვებსა და საყოფაცხოვრებო ნივთებს, განსაკუთრებით მათ, ვისაც ეს უფრო მეტად სჭირდებოდა"

—u/PatchesJHollin

5. "დაძინებისას ფეხსაცმლის გახდა არ დაგავიწყდეს. თუ გარეთ გძინავს, ფეხსაცმელი ჩანთაში ჩადე, ზემოდან დააწექი და ისე დაიძინე. ხანდახან ჩემი ჩანთა ისე იყო შეფუთული, მისი გახსნა ნებისმიერს გაუჭირდებოდა, თუმცა გახსოვდეს, რომ შენს ფეხსაცმელზე ნებისმიერს შეიძლება წაუცდეს ხელი"

—u/devilpliers

6. "თქვენთვის ძვირფასი ნივთები საძილე ტომარაში შეინახეთ და ისე დაიძინეთ. თუ არ გაქვთ საძილე ტომარა, ჩადეთ ისინი ზუგრჩანთაში და იგივე ზურგჩანთა გამოიყენეთ ბალიშად"

—u/ISwearMyNameIsNotJoe

7. "ძილის დროს შენი ტელეფონი ისე დამალე, რომ ვერავინ შეძლოს მისი მოპარვა"

—u/beardsandbombs

8. "მეგობრები შეენაცვლეთ ერთმანეთს ძილში: როცა ერთს სძინავს, მეორე ფხიზლობს"

—u/dianamo11

9. "თუ არასრულწლოვანი ხარ და მზრუნველი მშობლებისგან გაქცევას ეცდები, დარწმუნებული იყავი, რომ პოლიცია გიპოვის. 15 წლის მოზარდს შფოთვამ აიძულა, სახლიდან წამოსულიყო. პოლიციამ მალევე დააბრუნა ის სახლში და გამაფრთხილა, რომ თუ იგივე განმეორდებოდა და მას ქუჩაში შევნიშნავდი, აუცილებლად მომეხდინა რეაგირება. და ასეც მოვიქცევი"

—u/Kishandreth

10. "ეცადე, წინდები სუფთად შეინახო. ისინი ყოველთვის ახალივით იქნება"

—u/ISwearMyNameIsNotJoe

11. "მხოლოდ იმიტომ, რომ უსახლკარო ვიყავი, არ ნიშნავს, რომ ბევრი არ მიმუშავია. კვირაში დაახლოებით 56 საათს ვმუშაობდი ბენზინგასამართ სადგურზე და შემდეგ პლაკატებს ვყიდდი ქუჩებში"

—u/kishandreth

12. "უსახლკაროების სამყაროში კონფლიქტები თავისთავად წყდება, არავინ რეკავს პოლიციაში. აქ ყველა საერთო სივრცეს იზიარებს და თავს იცავს. არჩევანი არ გაქვს, უბრალოდ არ გაჩუმდე და სხვას თავი არ დააჩაგვრინო"

—Anonymous

13. "მახსოვს, რომ მე და ჩემი ოჯახი ყოველდღე დავდიოდით ბიბლიოთეკაში და რამდენიმე საათით ვჩერდებოდით იქ. ეს არის ადგილი, სადაც დიდხანს გაჩერების გამო უჩვეულოდ არ შემოგხედავენ. გარდა ამისა, იქ არის კონდიციონერი/გათბობა, ინტერნეტი/კომპიუტერი, სველი წერტილები და ლამის ულევი წიგნები სხვადასხვა ცოდნის მისაღებად. თუ ოდესმე უსახლკაროდ დარჩებით, წადით ბიბლიოთეკაში"

—u/readhomeless

14. "ადამიანთა უმეტესობას არ სურს შენი არსებობის აღიარება. გირჩევდი, რომ დიდად გული არ დაგწყდეს ამის გამო, რადგან მათ დამოკიდებულებებს ადრე თუ გვიან მაინც შეეჩვევი. უბრალოდ იპოვე გზა დღის გასალამაზებლად და ყოველთვის გახსოვდეს, უფრთხილდი ხალხს, ბევრი ნაბიჭვარია ირგვლივ!"

—u/RemiMedic

15. "დაიცავი შენი ვინაობა, არ გაყიდო პირადობის მოწმობა, ბევრი ეცდება მის მოპარვას"

—u/firehatchet

16. "თუ ქალი ხარ და გვიანი შემოდგომა/ზამთარი/ადრეული გაზაფხულია, ჩაიცვი კაცის ქურთუკი, სპორტული ფეხსაცმელი, სპორტული შარვალი და შალის ქუდი. რაც შეიძლება მამაკაცური იყავი. არ დაიძინო გზებზე ან ჩიხებზე; ყოველთვის შექმენი ილუზია, რომ ახალგაზრდა ბიჭი ხარ, ეს ბევრად უსაფრთხოა"

—Anonymous

17. "ხალხი უსახლკარო ახალგაზრდა ქალს ხშირად მენტალურად დაავადებულად ან ნარკოტიკზე დამოკიდებულად აღიქვამს. ისინი თქვენში მსხვერპლს ხედავენ, სწორედ ამიტომ ეცადეთ, მიუსაფარსა და უსახლკაროს მაინცდმაინც არ ჰგავდეთ"

—Anonymous

18. "ხშირად ველოდებოდი, როდის გადაყრიდნენ კვების ობიექტები კლიენტებისგან მორჩენილი საჭმელების ნარჩენებს და შემდეგ ნაგვიდან მალევე ვიღებდი საჭმელად გამოსადეგ სენდვიჩებსა თუ ტკბილეულს"

—Anonymous