12 რამ, რაც Sex Education-მა სექსზე, გენდერსა და სექსუალობაზე გვასწავლა
ბრიტანული კომედიური დრამა Sex Education თავისი სახელწოდებიდან გამომდინარე (სქესობრივი განათლება), ცხადია, მაყურებელს ისეთ მნიშვნელოვან თემებზე აწვდის ინფორმაციას, როგორიც სექსი, სექსუალობა, გენდერი და ზოგადად ჩვენი სხეულების თავისებურებები და მრავალფეროვნებაა.
სერიალი, რომელიც ძირითადად თინეიჯერების ყოველდღიურ ცხოვრებას ასახავს, არა მხოლოდ მოზარდებს, არამედ ნებისმიერი ასაკის ადამიანსაც სანდო, საინტერესო და სასარგებლო ცოდნას უზიარებს: სქესობრივ განათლებასთან დაკავშირებით დღემდე ზოგადი ცოდნა ხშირ შემთხვევაში ძალიან მწირია.
ამ სტატიაში ის რამდენიმე მნიშვნელოვანი საკითხი გავაერთიანეთ, რომლებმაც ეს სატელევიზიო შოუ არა მხოლოდ სახალისო თავშესაქცევად, არამედ ერთგვარ საგანმანათლებლო წყაროდაც აქცია.
1. სექსი ორივე პარტნიორს უნდა ანიჭებდეს სიამოვნებას
სიმართლე რომ ვთქვათ, არავინ გვასწავლის, განსაკუთრებით ქალებს, თუ როგორია მაინც სექსი. ამის გამო ბევრი ქალი არ იცნობს იმ გზებს, რომლითაც სექსისგან სიამოვნების მიღება შეიძლება. ასე იყო ეიმიც, რომელსაც ეგონა, რომ მხოლოდ პარტნიორზე უნდა კონცენტრირებულიყო და მის სიამოვნებაზე ეფიქრა, ნაცვლად საკუთარისა.
2. საკუთარი თავის სიამოვნებაში არაფერია სამარცხვინო
კვლავ ეიმის მაგალითი გვაჩვენებს, რომ მასტურბაცია ქალებში ხშირად ტაბუირებულია, არადა არაფერია ამაში "აკრძალული", "ცოდვილი" ან "გარყვნილება": ნებისმიერ ადამიანს აქვს უფლება და შეუძლია, საკუთარ თავს სიამოვნება თავად მიანიჭოს. ხანდახან ეს სხვასთან გამოცდილ სექსსაც კი შეიძლება სჯობდეს...
3. სექსი და სექსუალობა ჩვენი ცხოვრების მნიშვნელოვანი ნაწილია, ამიტომ მასზე ცოდნას უნდა ვფლობდეთ
როცა საქმე სქესობრივ განათლებას ეხება, რეალობა ასეთია ხოლმე: სკოლაში ის მწირი მასალა, რასაც ბიოლოგიის წიგნები შეიცავს, ხშირად სათანადოდ არ ისწავლება, ჩვენ გარშემო კი მითებსა და ლეგენდებს ვისმენთ. ამიტომ მნიშვნელოვანია, ამ საკითხებზე სანდო ცოდნა შევიძინოთ და როგორც სხვებს, ისე საკუთარ თავს გავუფრთხილდეთ.
4. აბორტის სირთულეები
აბორტთან დაკავშირებული გადაწყვეტილების მიღება ყოველთვის მარტივი არაა, მაგრამ ეს სერიალი კიდევ ერთხელ გვაჩვენებს, თუ რა სირთულეებს შეიძლება გადააწყდეს ქალი, როცა ორსულობის შეწყვეტას გადაწყვეტს. იმასაც კარგად ვხედავთ, რომ ასეთ დროს მისი ნუგეშისმცემლები ისევ სხვა ქალები თუ იქნებიან.
5. როგორია ჰომოფობიის და ტრანსფობიის მძიმე შედეგები
ბოლო პერიოდში სულ უფრო ხშირად საუბრობენ LGBTQ ადამიანების უფლებებზე, რაც ზოგს მცდარ წარმოდგენას უქმნის, რომ სექსუალური ორიენტაციის შესახებ სტიგმა რადიკალურად შეიცვალა და პრობლემებიც აღარავის ექმნება, თუმცა ერიკის ისტორია გვაჩვენებს, რომ ჰომოფობიითა თუ ტრანსფობიით მოტივირებული სიძულვილის გამო დღემდე არავინაა დაზღვეული ფიზიკური შეურაცხყოფისა და ძალადობისგანაც კი.
6. "არა ნიშნავს არას"
ხანდახან ჰგონიათ, რომ ურთიერთობის დაწყებისას ინტერესის ობიექტი თავის ნამდვილ გრძნობებს გულახდილად არ ამხელს და თუნდაც შენს სიმპათიაზე იმავეთი არ გიპასუხოს, აუცილებლად თავი უნდა მოაბეზრო, არ მოასვენო და "კი" ათქმევინო, რაც ხშირ შემთხვევაში უკვე ძალადობის სახეს იღებს.
როგორც ოტისმა აუხსნა ლიამს, ხანდახან იმ ადამიანებს, რომლებიც ძალიან მოგვწონს, შეიძლება, ჩვენ სექსუალურად სულაც არ ვიზიდავდეთ და მათ არჩევანს პატივი უნდა ვცეთ.
7. აუცილებელი არ არის, სქესობრივი ცხოვრება დაიწყო, თუ ჯერ ამისთვის მზად არ ხარ
თუ შენ გარშემო ყველა სქესობრივად აქტიურია და ჯერ შენ სექსი არ გქონია, შეიძლება ამის გამო დაისტრესო ისე, როგორც ეს ლილის დაემართა: ამის გამო ნებისმიერთან ცდილობდა, რომ სექსი ჰქონოდა, რაც წარმატებით არ დასრულებულა. საბოლოოდ კი, გააცნობიერა, რომ ამისთვის უბრალოდ ჯერ მზად არ იყო და არც თავისთვის უნდა დაეტანებინა უსაფუძვლოდ ძალა.
8. ზოგიერთ ადამიანს სექსუალურად არავინ იზიდავს
ასექსუალობა ნორმალურია, როგორც ამას ჯინი სკოლის ერთ-ერთ მოსწავლეს, ფლორენსს უხსნის: "ადამიანის სექსუალობა მრავალფეროვანია. ასექსუალობაა, როცა ადამიანს არცერთი გენდერი ან სქესი სექსუალურად არ იზიდავს. ამავდროულად ზოგიერთი ასექსუალი რომანტიკულ ურთიერთობაზე უარს არ ამბობს, მაგრამ სექსი არ უნდა".
9. ყოველთვის მოუსმინე პარტნიორს
როგორი დარწმუნებულიც არ უნდა იყო, რომ ყველაფერი იდეალურადაა, განსაკუთრებით მაშინ, როცა საქმე სექსს ეხება, მაინც აუცილებლად უნდა ჰკითხო ხოლმე პარტნიორს, რა მოსწონს და რა — არა: არ არსებობს ერთი უნიკალური ტექნიკა, რომელიც ყველას იზიდავს, ამიტომ ყოველთვის უნდა დარწმუნდე, რომ როგორც შენ, ასევე პარტნიორიც კმაყოფილია. ამის მაგალითი ოტისის და ოლას ურთიერთობაა: ისინი რთულად, მაგრამ მაინც ცდილობდნენ, ერთმანეთისთვის ნაბიჯები აეწყოთ.
10. ანალური სექსის მოსამზადებელი პროცესი
ამ თემაზე, ალბათ, ყველას ძალიან ცოტა მოუსმენია და ამ მხრივაც კარგი გამონაკლისია ეს სერიალი, სადაც რაჰიმი ხსნის, თუ როგორ შეიძლება მოემზადო ანალური სექსის წინ, თავი რომ უფრო დაცულად იგრძნო: წინასწარი ჰიგიენური პროცესები ყოველთვის აუცილებელი არ არის, მაგრამ რეკომენდირებულია.
11. ჰეტეროსექსუალი და ჰომოსექსუალი ბიჭებიც შეიძლება იყვნენ საუკეთესო მეგობრები
ოტისისა და ერიკის ურთიერთობა იმდენად შესაშურად კარგია, რომ ნათლად გვაჩვენებს, როცა გულწრფელ მეგობრობაზე მიდგება საქმე, ორიენტაციასა და სექსუალობას არანაირი მნიშვნელობა არ აქვს.
12. როგორი დიდი პრობლემაა სექსუალური შევიწროება და რა ძალა აქვს თანადგომას
სქესობრივ განათლებაში ბევრ პრობლემას შეეხნენ, თუმცა ცოტა იყო ისეთი ემოციური და მნიშვნელოვანი, როგორც ქალების მიმართ სექსუალური ძალადობის პრობლემის მასშტაბების აღწერა, რამაც კიდევ ერთხელ კარგად გვაჩვენა, თუ რა მძიმე ტრავმაა ეს მსხვერპლისთვის, ამავდროულად კი როგორ შეიძლება მათი გაძლიერება გვერდში დგომითა და თანადგომით.
-
გადახედვაროგორ შევამოწმოთ, არის თუ არა ვინმე შესული ჩვენს Facebook ანგარიშზე როგორ შევამოწმოთ, არის თუ არა ვინმე შესული ჩვენს Facebook ანგარიშზე
-
-
გადახედვამეცნიერებმა მაღალი IQ მემარცხენე იდეოლოგიის ქონას დაუკავშირეს — კვლევა მეცნიერებმა მაღალი IQ მემარცხენე იდეოლოგიის ქონას დაუკავშირეს — კვლევა
-
გადახედვაზურა ჯაფარიძე: პოლიციამ სახლიდან წაიყვანა გიორგი მოსიაშვილი, გირჩი ტვ-ს თანამშრომელი, არ ვიცით სად ჰყავთ, რას ედავებიან ზურა ჯაფარიძე: პოლიციამ სახლიდან წაიყვანა გიორგი მოსიაშვილი, გირჩი ტვ-ს თანამშრომელი, არ ვიცით სად ჰყავთ, რას ედავებიან
-
გადახედვაზურაბ ჯაფარიძის თქმით, მასზე თავდასხმა სცადეს ზურაბ ჯაფარიძის თქმით, მასზე თავდასხმა სცადეს
-
გადახედვაბრიტანეთის საელჩო: მიიღეთ ზომები, რათა აღიკვეთოს პროტესტის მხარეს მდგომი ადამიანების მიმართ უკანონო დაშინება ბრიტანეთის საელჩო: მიიღეთ ზომები, რათა აღიკვეთოს პროტესტის მხარეს მდგომი ადამიანების მიმართ უკანონო დაშინება
-
გადახედვაწუხელ, ჭავჭავაძის გამზირზე, ადმინისტრაციული წესით, 11 ადამიანი დააკავეს წუხელ, ჭავჭავაძის გამზირზე, ადმინისტრაციული წესით, 11 ადამიანი დააკავეს
-
გადახედვაგახარიას პარტიის დეპუტატებმა, მუქარის ფაქტის გამოძიებისთვის, პროკურორს მიმართეს გახარიას პარტიის დეპუტატებმა, მუქარის ფაქტის გამოძიებისთვის, პროკურორს მიმართეს
-
გადახედვახაზარაძე აცხადებს, რომ შეიქმნება ფონდი იმ ადამიანის დასახმარებლად, ვისაც ღია პოზიციის დაფიქსირების გამო, საჯარო სამსახურიდან გაათავისუფლებენ ხაზარაძე აცხადებს, რომ შეიქმნება ფონდი იმ ადამიანის დასახმარებლად, ვისაც ღია პოზიციის დაფიქსირების გამო, საჯარო სამსახურიდან გაათავისუფლებენ
-
-
გადახედვა15 აპრილიდან 9 მაისის ჩათვლით, 134 დაკავებული პირის შესახებ შემოვიდა შეტყობინება — საია 15 აპრილიდან 9 მაისის ჩათვლით, 134 დაკავებული პირის შესახებ შემოვიდა შეტყობინება — საია
-
გადახედვასერიალ Baby Reindeer-ის რეალური სტალკერი ნეტფლიქსისთვის ჩივილს აპირებს სერიალ Baby Reindeer-ის რეალური სტალკერი ნეტფლიქსისთვის ჩივილს აპირებს
-
გადახედვარატი ბრეგაძეს თავისი გერმანელი პროფესორი სწერს, გაიწვიონ რუსული კანონი რატი ბრეგაძეს თავისი გერმანელი პროფესორი სწერს, გაიწვიონ რუსული კანონი
-
გადახედვაბეჭდების მბრძანებლის ახალი ფილმების მთავარი გმირი გოლუმი იქნება ბეჭდების მბრძანებლის ახალი ფილმების მთავარი გმირი გოლუმი იქნება
-
გადახედვა"ახალგაზრდების და ბერბიჭაშვილის შორის ტოლობის ნიშნის დასმა ნებისმიერ ადამიანისთვის სირცხვილი იქნებოდა" — ზურაბიშვილი "ახალგაზრდების და ბერბიჭაშვილის შორის ტოლობის ნიშნის დასმა ნებისმიერ ადამიანისთვის სირცხვილი იქნებოდა" — ზურაბიშვილი
-
გადახედვა"გოჩა ჯავახიშვილმა, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა" — დარჩიაშვილი "გოჩა ჯავახიშვილმა, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა" — დარჩიაშვილი
-
გადახედვადემონსტრანტებისთვის ზიანის შემცირების მიზნით, თბილისის დინამოს გულშემატკივართა გაერთიანება მოძრაობას აფუძნებს დემონსტრანტებისთვის ზიანის შემცირების მიზნით, თბილისის დინამოს გულშემატკივართა გაერთიანება მოძრაობას აფუძნებს
-
გადახედვაირაკლი კობახიძე: მაღალი ინტელექტის მქონე ამომრჩეველში, ოცნების მხარდაჭერა 73,8% იყო, ხოლო საშუალო ინტელექტის მქონე ამომრჩეველში — მხოლოდ 45,6% ირაკლი კობახიძე: მაღალი ინტელექტის მქონე ამომრჩეველში, ოცნების მხარდაჭერა 73,8% იყო, ხოლო საშუალო ინტელექტის მქონე ამომრჩეველში — მხოლოდ 45,6%
-
გადახედვამშვენიერაძე: Airsoft ვისაც უთამაშია, ხომ ყველა ხვდება რა არის ფოტოზე? სათამაშო იარაღები, რომლებიც პატარა პლასტმასის ბურთებს ისვრის მშვენიერაძე: Airsoft ვისაც უთამაშია, ხომ ყველა ხვდება რა არის ფოტოზე? სათამაშო იარაღები, რომლებიც პატარა პლასტმასის ბურთებს ისვრის
-
გადახედვაუჩა აბაშიძის სახლში ამოღებული იარაღი, ძირითადად, სათამაშოა, ტყვიები კი პლასტმასის — ლია თოდუა უჩა აბაშიძის სახლში ამოღებული იარაღი, ძირითადად, სათამაშოა, ტყვიები კი პლასტმასის — ლია თოდუა
-
გადახედვაყველას ვაფრთხილებ, ცეცხლს ეთამაშებიან, ძალიან ფრთხილად იყვნენ — კალაძე ყველას ვაფრთხილებ, ცეცხლს ეთამაშებიან, ძალიან ფრთხილად იყვნენ — კალაძე
კომენტარები