მინისტრის მტკიცებით, უხარისხო ტესტებში სახელმწიფოს თანხა არ გადაუხდია
საქართველომ ხელშეკრულება გააფორმა კორონავირუსის დასადგენი ტესტების მწარმოებელ ჩინურ კომპანიასთან, რომლის პროდუქციის ხარისხი ესპანეთმა დაიწუნა და უკან დააბრუნა. ესპანეთში ამბობენ, რომ ტესტის შედეგებში უზუსტობა იყო. საქართველოს ჯანდაცვის მინისტრის მტკიცებით, კომპანიამ ხარვეზის შესახებ "ნოტა გამოაქვეყნა" და პროდუქცია ყველა ქვეყნიდან თავად გაიწვია. თუმცა, ასეთი დოკუმენტი საჯაროდ არ იძებნება და არც სამინისტროში პასუხობენ On.ge-ს კითხვას, რა ფორმით მიიღეს შეტყობინება და გაავრცელებენ თუ არა მას. ამასთან, ესპანეთში ჩინეთის ელჩი ამბობს, რომ Shenzhen Bioeasy Biotechnology-ს სამედიცინო პროდუქტების გაყიდვის ლიცენზია არ აქვს.
Shenzhen Bioeasy Biotechnology-ს საქართველომ 215 000 სწრაფი ტესტი შეუკვეთა, რომლის ღირებულებაც, ხელშეკრულების მიხედვით, ტრანსპორტირების გარეშე 1 182 500 აშშ დოლარს შეადგენდა.
ჯანდაცვის მინისტრი ირწმუნება, რომ მას შემდეგ, რაც კომპანიამ ხარვეზი აღმოაჩინა, გამოაქვეყნა ნოტა და პროდუქცია ყველა ბაზრიდან თავადვე გაიწვია.
ეკატერინე ტიკარაძის თქმით, თანხა არ გადარიცხულა და ხელშეკრულებაც უკვე ანულირებულია. მინისტრის მოადგილე თამარ გაბუნია კი განმარტავს, რომ ეს ტესტები ქვეყანაში საერთოდ არ შემოსულა.
კიდევ ერთი დეტალია კომპანიის ლიცენზიის საკითხი. მაგალითად, ესპანეთში ჩინეთის საელჩო ამბობს, რომ Shenzhen Bioeasy Biotechnology-ს სამედიცინო პროდუქტების გაყიდვის ლიცენზია არ აქვს.
ამასთან დაკავშირებით განმარტება დღეს არ გაუკეთებიათ არც საქართველოს ჯანდაცვის მინისტრს და არც მის მოადგილეს, თუმცა ეკატერინე ტიკარაძემ კომპანიაზე საუბრისას აღნიშნა:
"ჩვენ მუდმივ რეჟიმში ვაკეთებთ გადაზღვევას არააკრედიტებული და არააპრობირებული ტესტების ბაზარზე შემოტანისთვის".
ამავდროულად, მიუხედავად იმისა, რომ ჯანდაცვის მინისტრის მტკიცებით, კომპანიამ "გამოაქვეყნა ნოტა", მენეჯერი, ზუ ჰაიმ South China Morning Post-თან ირწმუნება, რომ ტესტების უზუსტობის შესახებ ცნობები მცდარია.
On.ge-მ სცადა, კომპანიის პოზიციის შესახებ დამატებითი ინფორმაცია მოეპოვებინა. საჯაროდ ამ ტიპის განცხადება არ იძებნება. საქართველოს ჯანდაცვის სამინისტროს პრესსამსახურში კი ამბობენ, რომ Shenzhen Bioeasy Biotechnology-მ უწყებას ოფიციალურად მიმართა. On.ge-მ პრესსამსახურს ამ დოკუმენტის გადმოგზავნა სთხოვა, რაზეც გვიპასუხეს, რომ გაარკვევენ, რამდენად აქვთ ამის უფლება. ერთი საათის შემდეგ, პრესსამსახურის თანამშრომელი სატელეფონო ზარს არ პასუხობს. პრესსამსახურის კიდევ ერთი წარმომადგენელი, ნინო მამალაძე კი ამბობს, რომ პირველები ვართ, ვინც ეს დოკუმენტი მოვითხოვეთ და ამ დროისთვის, სამინისტრო ამზადებს განცხადებას, სადაც საუბარი იქნება ყველა იმ კომპანიაზე, ვისთანაც ტესტებთან დაკავშირებით კომუნიკაცია ჰქონდათ.
რაც შეეხება ქვეყანაში უკვე არსებული ტესტების სანდოობას, ჯანდაცვის მინისტრი ამტკიცებს, რომ საქართველოს მოქალაქეებს მცდარი დიაგნოსტირების რისკი არ აქვთ, რადგან ტესტების შერჩევა ინფექციონისტების, ლუგარის ლაბორატორიის რეკომენდაციითა და საელჩოების სრული ჩართულობით მიმდინარეობს.
"ნებისმიერი ახალი ტესტი, რომელიც საქართველოს ტერიტორიაზე შემოდის, გადის გარკვეულ დაკვირვებას და ეს დაკვირვება მდგომარეობს შემდეგში — ყველა ტესტის გადამოწმება ხდება ლუგარში აპრობირებული ტესტირების სისტემით და აქედან გამომდინარე, გარკვეული პერიოდის მანძილზე ვაკვირდებით ამ ტესტების სანდოობას ჩვენს მოქალაქეებში და მხოლოდ შემდეგ ვიყენებთ მათ ფართო გამოკვლევისთვის", — ამბობს ის.
ამასთან, ჯანდაცვის მინისტრი აღნიშნავს, რომ უკვე მიმდინარეობს მოლაპარაკებები სხვა კომპანიასთან და თავდაპირველად მხოლოდ 2000 ტესტი გადმოიგზავნება, ხოლო მას შემდეგ, რაც სანდოობა დადასტურდება, დამატებით შეიძენენ.
რაც შეეხება ჩინეთიდან უკვე შემოტანილ ათას ტესტს, მინისტრის მოადგილე, თამარ გაბუნია განმარტავს, რომ ეს არის PCR ტესტები და არა სწრაფი ტესტები. ჩინურ კომპანიასთან ანულირებულ ხელშეკრულებაზე საუბრისას ის სხვა ქვეყნებთან ავლებს პარალელს, რომლებიც ასევე თანამშრომლობდნენ Shenzhen Bioeasy Biotechnology-სთან.
აღსანიშნავია, რომ ხელშეკრულების მიხედვით, რომელიც საქართველოს მთავრობას Shenzhen Bioeasy Biotechnology-სთან ჰქონდა გაფორმებული, წუნის არსებობის შემთხვევაში, მომწოდებელი ვალდებულია, საკუთარი სახსრებით აღმოფხვრას ნაკლი შემსყიდველის ინტერესების გათვალისწინებით. მომწოდებელი ასევე ვალდებულია, რომ წუნის შესახებ შეტყობინების მიღებიდან არაუმეტეს 45 დღეში წუნდებული პროდუქტი შეცვალოს.
ჩინური კომპანიის მიერ წარმოებული არაზუსტი ტესტების შესახებ ესპანეთში გაზეთმა El País-მა დაწერა. მათი ინფორმაციით, მიკრობიოლოგებმა დაადგინეს, რომ Shenzhen Bioeasy Biotechnology-სგან შეძენილი ტესტები ვირუსის დადგენას მხოლოდ შემთხვევების 30%-ში ახერხებს. ამის შემდეგ, ესპანეთის ინფექციური დაავადებებისა და კლინიკური მიკრობიოლოგიის საზოგადოებამ გაავრცელა ოფიციალური რეკომენდაცია და ჯანდაცვის სფეროს წარმომადგენლებს მოუწოდა, აღნიშნული ტესტები არ გამოეყენებინათ.
ესპანეთის ჯანდაცვისა და საგანგებო მდგომარეობის საკოორდინაციო ცენტრის ხელმძღვანელმა, ფერნანდო საიმონმა კი განაცხადა, რომ შემოწმდა 9 000 ტესტი და მიღებული შედეგები საკმარისად სანდო არ აღმოჩნდა. ინფორმაცია ტესტების უზუსტობის შესახებ ესპანეთის ჯანდაცვის მინისტრმაც დაადასტურა.
ესპანეთში ჩინეთის საელჩომ კი განაცხადა, რომ Shenzhen Bioeasy Biotechnology-ს სამედიცინო პროდუქტების გაყიდვის ლიცენზია არ აქვს. მათივე თქმით, ჩინეთის კომერციის სამინისტრომ ესპანეთს ტესტების მწარმოებლების სია მისცა, რომელთა შორისაც Shenzhen Bioeasy Biotechnology არ ფიგურირებდა.
კომპანია ამბობს, რომ ესპანეთიდან ტესტებს დაიბრუნებს.
-
გადახედვაროგორ მოქმედებს მხატვრული ლიტერატურის კითხვა ტვინზე როგორ მოქმედებს მხატვრული ლიტერატურის კითხვა ტვინზე
-
გადახედვააზერბაიჯანელი ოპოზიციონერი, სავარაუდოდ, მისმა თანამშრომელმა მოკლა აზერბაიჯანელი ოპოზიციონერი, სავარაუდოდ, მისმა თანამშრომელმა მოკლა
-
გადახედვამეცნიერების თქმით, ხელით წერა სწავლის უნარებს აუმჯობესებს მეცნიერების თქმით, ხელით წერა სწავლის უნარებს აუმჯობესებს
-
გადახედვარა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა რა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა
-
გადახედვაბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს ბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს
-
გადახედვა17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები 17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები
-
გადახედვალაზარე გრიგორიადისი, რომელიც 14 მაისს, რუსული კანონის საპროტესტო აქციაზე დააკავეს, გაათავისუფლეს ლაზარე გრიგორიადისი, რომელიც 14 მაისს, რუსული კანონის საპროტესტო აქციაზე დააკავეს, გაათავისუფლეს
-
გადახედვარუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს რუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს
-
გადახედვასპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას სპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას
-
გადახედვააჭარის საკრებულოს ერთიანი ნაციონალური მოძრაობის წევრები ბოიკოტის რეჟიმზე გადადიან აჭარის საკრებულოს ერთიანი ნაციონალური მოძრაობის წევრები ბოიკოტის რეჟიმზე გადადიან
-
გადახედვატვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს ტვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს
-
გადახედვასაქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს საქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს
-
გადახედვაირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე ირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე
-
-
გადახედვა120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის 120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის
-
გადახედვაHBO Max დიუნის სამყაროს შესახებ სერიალს უშვებს — ნახე ტრეილერი HBO Max დიუნის სამყაროს შესახებ სერიალს უშვებს — ნახე ტრეილერი
-
გადახედვაპაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო პაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო
-
გადახედვაშსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ შსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ
-
გადახედვამდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ! მდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ!
-
გადახედვარუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ რუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ
-
გადახედვალანდსბერგისი აქციის მონაწილეებს: ჩვენ არასოდეს მიგატოვებთ ლანდსბერგისი აქციის მონაწილეებს: ჩვენ არასოდეს მიგატოვებთ
კომენტარები