სიმბოლოები და ქვეტექსტები Game Of Thrones-ის ბოლო სერიაში, რომლებიც, შესაძლოა, გამოგრჩათ
თუ ფინალური სერია არ გინახავს, სპოილერების პოლიცია ამ სტატიის წაკითხვას გიკრძალავს!
Game Of Thrones დასრულდა და ტრადიციულად, ფანების არმია გულგატეხილია იმის გამო, რომ ათეულობით თეორია არ ახდა. თეორიები გვერდზე რომ გადავდოთ, უგულებელყვეს ბევრი დეტალი, რომელზეც წინა სეზონებში თავად ამახვილებდნენ ყურადღებას.
მიუხედავად ამისა, ფინალურ სერიაში იყო მომენტები, რომელიც წინა სეზონებთან გვაკავშირებდა. მაგალთად, დეინერისის ხილვიდან გაცოცხლებული კადრები. ასევე, იყო სიმბოლური ჩანაფიქრები, რომელიც შესაძლოა ვერ შენიშნეთ.
ცვლილებები მეფის სავანეში
ამ სეზონში რეჟისორებმა დიდი ყურადღება დაუთმეს GOT-ის ინტროს, რომელშიც თითქმის ყველა ცვლილება აისახა. ბოლო ეპიზოდის ინტროში ვხედავთ, რომ მეფის სავანე დაზიანებულია. ეს იმის ხაზგასმაა, რომ ქალაქმა ომი გადაიტანა.
გარდა ამისა, რკინის ტახტის თავზე აღარ ჩანს ლანისტერების გერბი. ეს ნიშნავს, რომ მათი მმართველობა დასრულდა. თუმცა, რეჟისორებმა არც ტარგარიენების გერბი გვაჩვენებს, რაც მინიშნება იყო იმაზე, რომ დეინერისი ტახტს ვერ დაისაკუთრებდა.
ჭეშმარიტი დრაკონი
დეინერისის შეშლილ მეფე ეირისთან მსგავსებაზე უკვე ბევრი ვილაპარაკეთ. პერსონაჟის ცვლილებით შოუს ავტორებმა გვითხრეს, რომ ის საბოლოოდ დაემსგავსა ტარგარიენებს და მისი მონეტა არასახარბიელოდ დაეცა. თუმცა, ეს ყველაფერი არ არის.
მაყურებელს არ უნახავთ როდის გაიღვიძა დეინერისში დრაკონმა, რადგან ის გამოჩენისთანავე ცეცხლის მიმართ უდრეკი იყო. სერიალის დასასრულს პროდიუსერებმა ხაზგასმით გვიჩვენეს, რომ დეინერისს არამხოლოდ დრაკონის სისხლი აქვს, ის საბოლოოდ გახდა დრაკონი — უმართავი, ძლევამოსილი და შურისმაძიებელი.
რკინის ტახტი
რკინის ტახტი, რომლის მოპოვებისთვის ბრძოლას მილიონობით ადამიანის სიცოცხლე შეეწირა სერიალში ბევრ პერსონაჟზე მეტ ყურადღებას იქცევს. გავიხსენოთ როგორ შეიქმნა ის.
როცა ეიგონ დამპყრობელი ვესტეროსში ჩავიდა, ის მართავდა დრაკონებიდან უდიდესს, ბეილორ შავ ძრწოლას. სწორედ ბეილორის ცეცხლმა შეადუღა დაცემულ მტრებთა ხმლებისგან რკინის ტახტი.
დეინერისი, ასევე, მართავდა დრაკონებიდან უდიდესს, დროგონს. სწორედ დროგონის ცეცხლმა გაანადგურა ის.
ხომ არაფერს გაგონებთ? ჯონ რ.რ. ტოლკინის საგაშიც, ბეჭდების მბრძანებელი ბეჭედი ვულკანის ცეცხლმა გაანადგურა. სწორედ ამ ცეცხლში გამოიწრთო ის. აქვე აღსანიშნია, რომ ბეჭდების მბრძანებელთან მსგავსება სერიალს ბასტარდების ბრძოლის დროსაც ჰქონდა. გარდა ამისა, ფინალური სერიის დასაწყისში დეინერეისის ჯართან გამოჩენა და საბრძოლო მოწოდება ძალიან ჰგავს სარუმანის გამოსვლას.
ჯეიმი ლანისტერი — მეფის მკვლელი და მეფის შემქმნელი
ოქროს ლომი ჯეიმი ლანისტერი არამხოლოდ გვარით და ომში მიღწეული წარმატებით, არამედ მეფის მკვლელობით იყო ცნობილი. მან ზურგიდან დაჭრა შეშლილი მეფე ეირის ტარგარიენი, რითაც ახალ ეპოქას დაუდო სათავე.
მართალია ეს თეორია საკმაოდ ჩახლართულია, მაგრამ ფანების ნაწილი თვლის, რომ სწორედ ის გახდა მეფის შემქმნელიც. ანუ, რომ არა ჯეიმი ბრანი ვერასდროს გახდებოდა მეფე. განვიხილოთ რატომ.
ფანები თვლიან, რომ ჯეიმის ბრანი კოშკიდან რომ არ გადაეგდო და მას მოძრაობის უნარი არ დაეკარგა, არ დაინტერესდებოდა ფრენის სწავლით. შესაბამისად, ვერ გახდებოდა სამთვალა ყორანი და ვერ დაეუფლებოდა სამყაროს ცოდნას. ამ შემთხვევაში ის იქნებოდა უბრალო ლორდი, რომელიც ფინალისთვის ან გადარჩებოდა ან არა და მას არ აირჩევდნენ მეფედ.
ასევე, ბრანი ხშირად ახსენებს ფრაზას: შენ იქ იყავი სადაც საჭიროა. ამას ეუბნება ის თეონს სიკვდილის წინ და ჯონს დამშვიდობებისას. პერსონაჟი, რომელმაც სამყაროს წარსული იცის გვეუბნება, რომ ყველამ თავისი როლი შეასრულა. შესაბამისად, ჯეიმი ლანისტერმაც ითამაშა თავისი როლი — მოკლა ვესტეროსის ერთი მეფე და "შექმნა" მეორე.
გარდა ამისა, მეფობის შეთავაზებისას ბრანი ამბობს: შენი აზრით, რისთვის გავიარე ეს გზა. მისი გზა კი სწორედ კოშკიდან ჩამოვარდნის შემდეგ დაიწყო.
გოგონა არავინ არ არის, გოგონა არია სტარკია
მას შემდეგ, რაც არია ბრაავოსიდან სამშობლოში დაბრუნდა, ფანები ხშირად განიხილავდნენ, რომ ის არავინ გახდა. ამ მოსაზრების განმტკიცებას ხელი შეუწყო სერიალის ერთ-ერთმა პრომომ, რომელშიც სტარკების საგვარეულოში შემავალი არია, სანსას და ჯონისგან განსხვავებით, წინაპრებთან კავშირში არ ჩნდება.
ამას დაემატა ისიც, რომ არიას არასდროს გამოუთქვამს სურვილი ან პრეტენზია ვინტერფელის სამართავად და დატოვა ვინტერფელი ღამის მეფის დამარცხების შემდეგ. ეს დეტალები ფანებს აფიქრებინებდა, რომ არია საბოლოოდ არავინ გახდა და სტარკობაზე უარი თქვა. თუმცა, თეორია არ გამართლდა.
ეს ჯერ კიდევ წინა სერიებში გამოჩნდა, როცა არია ოჯახის მნიშვნელობაზე საუბრობდა. მაგრამ, ფინალში პროდიუსერებმა კიდევ ერთხელ გვაჩვენეს, რომ ის ჭეშმარიტი სტარკია.
სერიალის დასასრულს არიას ჯონის და სანსას ახალი ცხოვრების გზას პარალელურ რეჟიმში გვაჩვენებენ. ამ ფორმით პროდიუსერებმა იმას გაუსვეს ხაზი, რომ ნედ სტარკის შვილები სერიალის მთავარი ისტორია იყო და ისიც აღნიშნეს, რომ არია ამ ოჯახის მნიშვნელოვანი ნაწილია.
იმ კადრებში, სადაც ჩანს, რომ არია ვესტეროსს ტოვებს და ახალი მიწების აღმოსაჩენად მიდის ხშირად გვხვდება სტარკების სიმბოლო მგელი. შეიძლება ვინმემ იფიქროს, რომ ის სტარკების გემით ტოვებს ვესტეროსს და სწორედ ამიტომ, თუმცა პროდიუსერებს თამამად შეეძლოთ ის გრეიჯოების ან სულაც, თავისუფალ გემზე ეჩვენებინათ.
აქედან გამომდინარე, უფრო ლოგიკური ვარაუდია არია სტარკი შევადაროთ ფერნანდო მაგელანს, როგორც დიდი მოგზაური, ვიდრე არავის უსახოთა ჯგუფიდან. თანაც ნუ დაგვავიწყდება, რომ მოგზაურობის სურვილი არიამ ჯერ კიდევ მე-6 სეზონში გამოთქვა. როდესაც დაჭრილი იყო და მსახიობმა, ლედი კრეინმა შეიფარა.
გარდა ამისა, ეს კადრი მინიშნება იყო მეოთხე სეზონზე, როცა არიამ ვინტერფელი დატოვა და ბრაავოსში წავიდა. მაშინ ის გამოუცდელი გოგო იყო, რომელმაც სამყარო გაიცნო. ახლა კი ის ახალი სამყაროს აღმოჩენას აპირებს.
ჩრდილოეთის დედოფალი
ამ ამბავს დიდი შესავალი არ სჭირდება. ბევრი იშრომა, იღვაწა, ბევრისგან ისწავლა და საბოლოოდ, თავისას მიაღწია — სანსა ჩრდილოეთის დედოფალი გახდა. მისი კორონაციის დღეს სამოსს სიმბოლური მნიშვნელობა აქვს.
სანსას კაბას მკლავებზე ამოქარგული აქვს საღვთო ხეების ფოთლები. ეს ხეები ჩრდილოეთის სიმბოლოა. მის გვირგვინზე გამოსახულია მგლები — სტარკების სიმბოლო.
ეს გვირგვინი ძალიან ჰგავს სერსეისას, რაც გასაკვირი არ არის. სერსეის სტილი არაერთხელ აისახა სანსას ვარცხნილობასა და ჩაცმულობაში. სანსაც ხშირად აღიარებდა, რომ მისგან ბევრი ისწავლა.
რაინდის დასრულებული ისტორია
ერთგულ მაყურებელს ემახსოვრება მომენტი, როცა ჯოფრი ბარათეონი ბიძამისსა და ამავდროულად მამას, ჯეიმის დასცინის იმის გამო, რომ ლორდ კომანდორების ისტორიის წიგნში მას მხოლოდ ნახევარი გვერდი ეთმობა.
ჯოფრი ამბობს, რომ ცალხელა მებრძოლს 30 წლის ასაკში შანსი აღარ აქვს საგმირო საქმეები ჩაიდინოს, რომ მისი ისტორია შეივსოს. ამის შესახებ თავად ჯეიმიც ესაუბრება ბრიენას, როცა ისინი მეფის სავანეში არიან, მაგრამ შვიდი სამეფოს რაინდი ბრიენა ტართი ჯეიმის ისტორიას ასრულებს.
ბრიენა წერს, როგორ ჩავარდა ჯეიმი ტყვედ და როგორ გაათავისუფლა ის კეტლინ სტარკმა; როგორ დაკარგა მან ხელი, აიღო რივერანი, ჰაიგარდენი და როგორ შეუერთდა ღამის მეფის წინააღმდეგ მებრძოლთ. ისტორიის დასასრულს კი ის წერს, რომ ჯეიმი თავისი დედოფლის დაცვისას მოკვდა.
ყინულისა და ცეცხლის სიმღერა
მართალია სერიალის სიუჟეტი საკმაოდ აცდა ყინულისა და ცეცხლის სიმღერის საგას, მაგრამ პროდიუსერებმა ფინალური სეზონი ისე არ დაამთავრეს, რომ ერთგვარი კვეთა არ ჰქონოდათ. ამისთვის კი ყველაზე მარტივი გზა იყო წიგნის გამოჩენა, რომელსაც ყინულისა და ცეცხლის სიმღერა დაარქვეს.
გაიხსენეთ მომენტი, როცა სემი ციტადელშია და არქიმეისტერ ებროსს ესაუბრება. არქიმეისტერი ამბობს, რომ 5 მეფის ომზე წიგნს წერს, რომლის სათაურიც სემს არ მოსწონს და ურჩევს რამე უფრო პოეტური დაარქვას. პოეტური კი ჯორჯს მარტინის საგის სახელწოდება აღმოჩნდა.
უცნობია რა შუაშია 5 მეფის ომთან ყინულისა და ცეცხლის სიმღერა, რომელიც ღამის მეფისა და ტარგარიენების დაპირისპირების ან დეინერისისა და ჯონის ერთობის სიმბოლოდ მიიჩნევა.
ამ მომენტში იყო კიდევ ერთი საინტერესო დეტალი. სემი ტირიონს ეუბნება, რომ ის წიგნში ნახსენები საერთოდ არ არის. ფანები ვარაუდობენ, რომ აქ იყო პარალელი ჯორჯს მარტინზე. მწერალს ნათქვამი აქვს, რომ მას ტირიონ ლანისტერის პერსონაჟი განსაკუთრებით უყვარს და თავთან აიგივებს. ფანები თვლიან, რომ პროდიუსერებმა ხაზი გაუსვეს იმ ფაქტს, რომ ისტორიაში, რომელიც ბოლოს ეკრანებზე ვიხილეთ, მარტინი არ ფიგურირებდა და ამბავი მათ განავითარეს.
სამთვალა ყორანი
სიტუაციამ მოითხოვა დავაზუსტოთ, რომ ბრიენი კი ეკურთხა შვიდი სამეფოს რაინდად, მაგრამ აწ უკვე 6 სამეფოს რაინდია, რადგან ახალ მეფეს ბრანდონ სტარკს ემსახურება. ბრანდონმა კი მეშვიდე სამეფოს, ვინტერფელს დამოუკიდებლობა უბოძა.
ბრიენი მეფის გვარდიის წევრია. ამის დასტური მის ახალ აბჯარზე გამოსახული სამთვალა ყორანია.
დასაწყისი და დასასრული
ყველას გახსოვთ როგორ დაიწყო Game Of Thrones? წლების შემდეგ ფანების მოგონებაში პირველ კადრებად სტარკების გამოჩენა ან თეთრი მავალის ცისფერი თვალები ილექება. თუმცა, ასე არ არის. პირველ კადრში ჩვენ ვნახეთ, როგორ გაიღო კედლის ერთ-ერთი კარიბჭე. მსგავსი კადრი გვაქვს ფინალშიც.
როგორც მაშინ, ახლაც ვნახეთ, როგორ გამოვიდნენ კედელს მიღმა სამნი: ჯონი, ტორმუნდი და ლანდი. მათ მოჰყვებიან ველურებიც.
თუმცა, უფრო საგულისხმო და გულისამაჩუყებელი მომდევნო კადრია. პირველ სერიაში ამ კართან ერთად ჩვენთვის მარტინის სამყაროს კარიც გაიღო. ფინალურ ეპიზოდში კი ისევ დაიხურა.
გაიგეთ მეტი:
- დეინერისის ხილვა და რეალობა — წინა სეზონიდან გაცოცხლებული კადრები GOT-ის ფინალში
- წყლისა და ყავის სიმღერა — GOT-ის ფინალურ სერიაში ამჯერად პლასტმასის ბოთლი გამოჩნდა
- პეტიციას, რომლითაც Game Of Thrones-ის ხელახლა გადაღებას ითხოვენ მილიონმა ადამიანმა მოაწერა ხელი
- Game Of Thrones-ის ფინალურ სერიას შოუს ისტორიაში ყველაზე დაბალი რეიტინგი აქვს
-
გადახედვაკობახიძე: თუ ორი კვირის განმავლობაში იქნება წარმოდგენილი ვენეციის კომისიის სამართლებრივი არგუმენტები, ღია ვართ დისკუსიისთვის კობახიძე: თუ ორი კვირის განმავლობაში იქნება წარმოდგენილი ვენეციის კომისიის სამართლებრივი არგუმენტები, ღია ვართ დისკუსიისთვის
-
გადახედვაპარლამენტთან რუსული კანონის წინააღმდეგ მრავალრიცხოვანი აქცია მიმდინარეობს პარლამენტთან რუსული კანონის წინააღმდეგ მრავალრიცხოვანი აქცია მიმდინარეობს
-
გადახედვაკობახიძე: დაველოდებით ვეტოს პროცედურას, 14-დან 28 მაისის ჩათვლით კობახიძე: დაველოდებით ვეტოს პროცედურას, 14-დან 28 მაისის ჩათვლით
-
გადახედვაირაკლი კობახიძის თქმით, ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა ირაკლი კობახიძის თქმით, ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა
-
გადახედვამოვინახულეთ 23 დაკავებული, ყველა პოლიციის მხრიდან ძალადობაზე მიუთითებს და მათ დაზიანებებიც აქვთ — სახალხო დამცველის აპარატი მოვინახულეთ 23 დაკავებული, ყველა პოლიციის მხრიდან ძალადობაზე მიუთითებს და მათ დაზიანებებიც აქვთ — სახალხო დამცველის აპარატი
-
გადახედვაადვოკატის ინფორმაციით, საპროტესტო აქციაზე დაკავებული გუკა რჩეულიშვილი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი ადვოკატის ინფორმაციით, საპროტესტო აქციაზე დაკავებული გუკა რჩეულიშვილი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი
-
გადახედვამყარი სუპერდედამიწის გარშემო ატმოსფეროს ყველაზე დამაჯერებელ კვალს მიაგნეს მყარი სუპერდედამიწის გარშემო ატმოსფეროს ყველაზე დამაჯერებელ კვალს მიაგნეს
-
გადახედვაცოტა შოკში არიან, საერთოდ რომ არავინ შეხვდათ ხელისუფლებიდან — ბაია პატარაია ევროპის ქვეყნების საგარეო კომიტეტის თავმჯდომარეებთან შეხვედრაზე ცოტა შოკში არიან, საერთოდ რომ არავინ შეხვდათ ხელისუფლებიდან — ბაია პატარაია ევროპის ქვეყნების საგარეო კომიტეტის თავმჯდომარეებთან შეხვედრაზე
-
გადახედვასაპროტესტო აქციაზე დაკავებული გურამ ადამია, რომელსაც ფიზიკურად გაუსწორდნენ, იზოლატორიდან კლინიკაში გადაიყვანეს საპროტესტო აქციაზე დაკავებული გურამ ადამია, რომელსაც ფიზიკურად გაუსწორდნენ, იზოლატორიდან კლინიკაში გადაიყვანეს
-
გადახედვაიმედმა და რუსთავი 2-მა წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს იმედმა და რუსთავი 2-მა წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს
-
გადახედვახვალ, 14 მაისს, რუსული კანონის საწინააღმდეგოდ, კულტურის მარში გაიმართება ხვალ, 14 მაისს, რუსული კანონის საწინააღმდეგოდ, კულტურის მარში გაიმართება
-
გადახედვაროგორ შევძლოთ ფუნქციონირება ღამისთევის შემდეგ — 5 რჩევა როგორ შევძლოთ ფუნქციონირება ღამისთევის შემდეგ — 5 რჩევა
-
გადახედვარუსული კანონის წინააღმდეგ თსუ-ს იმ ფაკულტეტის თვითმმართველობა ავრცელებს განცხადებას, სადაც ლექციებს კობახიძე კითხულობს რუსული კანონის წინააღმდეგ თსუ-ს იმ ფაკულტეტის თვითმმართველობა ავრცელებს განცხადებას, სადაც ლექციებს კობახიძე კითხულობს
-
გადახედვა"დღეს დავტოვე განცხადება და წამოვედი. მე არ ვეთანხმები ხელისუფლების კურსს" — ივლიანე ხაინდრავა "დღეს დავტოვე განცხადება და წამოვედი. მე არ ვეთანხმები ხელისუფლების კურსს" — ივლიანე ხაინდრავა
-
გადახედვამასშტაბური კვლევის მიხედვით, ინტერნეტი კეთილდღეობასთან ასოცირდება მასშტაბური კვლევის მიხედვით, ინტერნეტი კეთილდღეობასთან ასოცირდება
-
გადახედვაDRI: აქციის მონაწილეთა მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად DRI: აქციის მონაწილეთა მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად
-
გადახედვაCENN: გვინდა, თითოეულ პარლამენტარს შევახსენოთ, რომ ევროპული კურსის ცვლილების დამღუპველ შედეგებზე იღებენ პასუხისმგებლობას CENN: გვინდა, თითოეულ პარლამენტარს შევახსენოთ, რომ ევროპული კურსის ცვლილების დამღუპველ შედეგებზე იღებენ პასუხისმგებლობას
-
გადახედვამნიშვნელოვანი განმარტება სავიზო სააპლიკაციო ცენტრის დროებით დაკეტვასთან დაკავშირებით — ბრიტანეთის საელჩო მნიშვნელოვანი განმარტება სავიზო სააპლიკაციო ცენტრის დროებით დაკეტვასთან დაკავშირებით — ბრიტანეთის საელჩო
-
გადახედვავუერთდებით სხვა უნივერსიტეტების სტუდენტების პროტესტს და ვაცხადებთ: შეუძლებლად მიგვაჩნია სასწავლო პროცესის გაგრძელება — სტუდენტები ქუთაისიდან ვუერთდებით სხვა უნივერსიტეტების სტუდენტების პროტესტს და ვაცხადებთ: შეუძლებლად მიგვაჩნია სასწავლო პროცესის გაგრძელება — სტუდენტები ქუთაისიდან
-
გადახედვარა წერია 12 ევროპული ქვეყნის საგარეო საქმეთა მინისტრის მიმართვაში ბორელისა და ვარჰეის მიმართ, რუსულ კანონთან დაკავშირებით რა წერია 12 ევროპული ქვეყნის საგარეო საქმეთა მინისტრის მიმართვაში ბორელისა და ვარჰეის მიმართ, რუსულ კანონთან დაკავშირებით
-
გადახედვაკახა კალაძე: როგორ შეიძლება, მე ან ჩვენს თანაგუნდელებს გვინდოდეს რუსეთი. წარსულში მინდა დავაბრუნო ჩემი შვილები? კახა კალაძე: როგორ შეიძლება, მე ან ჩვენს თანაგუნდელებს გვინდოდეს რუსეთი. წარსულში მინდა დავაბრუნო ჩემი შვილები?
კომენტარები